Read Bawm Chin SAM 26 Bible Online

SAM 26 - Bawm Chin bible

SAM 26

¹LALPA, thil dik ka ti ruangah leh nangmah lakah ka ngauh tlak ruangah sual neilo hâwi hen hawng ka ruat.

²LALPA, ka duhnâk leh ka dawn mi tla hi hawng zauh dik le, nik hen lâirêl.

³Na dâwtnâk dawng lo chu hawng ka ruaitu asi; na zumhkâinâk hen hawng ka ruai kumza.

⁴Mi do-tla-lo hen khawm ka bawp lo, mi perpê tla hen khawm kanna khat lo.

⁵Misual murui chu ka hua le, mi ṭhalo tla chu ka duh na lo.

⁶Ka sual lo ti theihnâk ah ka kut ka ṭâwl le, a nan sawnh ding hen na mâichâm kiangah ka kal.

⁷Lâwmthusimnâk la ka sak le, na thilchê ti zawzawng tla ka sim.

⁸LALPA, na umnâk in chu ka ngâisung, na rokualnâk umnâk mun khawm.

⁹Misual tla sinah munkhat hen hawng ka veih lah le, mi thahtu tla siat leh râwknâk lakah mi hawng ka zuah.

¹⁰Chu hawi sualnâk ti kumzatu leh nawhnâk lâk duh kumzatu tla lak khawmah.

¹¹Kei lam chu thil dik titu ka si ruangah ka lakah khuaruat hen ruang hawng ka suah.

¹²Ṭihnungkâi zawzawng thawk hen ka him. Zatlâng pumhnâk lakah LALPA chu ka sawr.