Read Bawm Chin SAM 29 Bible Online

SAM 29 - Bawm Chin bible

SAM 29

¹Nannih vân mi tla, LALPA thiltikhonâk leh rokualnâk chu sawr u.

²LALPA min rokual chu sawr ule; mi Thenhlimh chu a hawng lang tikah a mâika ah kân u.

³LALPA aw-hâu chu tipi tla tlûnah theih hen a um le, Pathian rokual nih khua a râtir le, a aw-hâu nih tisumsumriat a râwng.

⁴LALPA aw-hâu chu a thiltikhonâk leh a lalnâk zawzawng ah theih hen a um.

⁵LALPA aw-hâu nih sidar thing tla a khiak le, Lebanon tlêng ah mi sidar thing tla chu a khiak.

⁶Lebanon tlêng tla chu chawpê fa tla hâwi hen a pertir. Hermon Tlâng chu chawchal tuai hâwi hen a turtir.

⁷LALPA hâu nih mîmthlâ a lektir.

⁸A hâu nih ramkaro a ninh; Kades mi ramkaro chu a ninh.

⁹LALPA aw-hâu nih oak thing tla a ninh, thing nah tla chu a thlawngh. A Biakin ah um mi tla nih chun “Pathian sinah rokualnâk um seh,” ti hen an âu!

¹⁰LALPA nih chun tî thûk tak tlûnah Lalchem si hen zungzâl hen lâi a rêl.

¹¹LALPA nih a mi tla chu chaknâk a pêk le, thlangamnâk hen mal a sâwm na.