Read Bawm Chin SAM 3 Bible Online

SAM 3 - Bawm Chin bible

SAM 3

¹LALPA, ka mêlma tla chu an tam chiam e, hawng ka dotu tla chu tamtak an si!

²Ka thâwngthâng an simnâk ah chun, “Pathian nih a ṭangpi lai lo” an ti.

³Sikhawmsele, nang LALPA nih chun ṭihnungkâi lakah phaw hen hawng ka hum; nehnâk na ka pêk le, râlṭhatnâk na ka pêk.

⁴LALPA chu ṭangpi ding hen ka kawh le, a tlêng thenhlimh thawk hen hawng ka sâng.

⁵Ka zâu le, ka it, LALPA nih zân khuavâr hen hawng ka hum.

⁶A ker kipah ka mêlma sâng tamtak hawng ka kulhtu khawm ka ṭih lo.

⁷LALPA! Ka Pathian hawng le, ruang hawng ka suah rawh. Ka mêlma zawng tla chu na rêp na hen nganfâk an ka pêk ding mi chu Thiltikho lo hen na siah na.

⁸Nehnâk chu LALPA sinah mi asi. A mi tla chu malsâwm seh.