Read Bawm Chin SAM 4 Bible Online

SAM 4 - Bawm Chin bible

SAM 4

¹Pathian, hawng ka vêngtu! Thla ka cham tikah hawng ka sâng rawh. Ka lawksawng liauah na ka ṭangpi. Tuah ka lakah vêlnei le, ka thlachamnâk ngâi.

²Zei tiang me mipi tla nan hawng ka salh awtâ? Zei tiang me thil mangtlâklo leh diklo hi nan duh hen nan zûl awtâ?

³LALPA nih amah rangah a thîm mi mi rep leh amah kawh liauah a hawng ka ngâi piak mi theihkumza.

⁴Ṭih ruangah thir hen sualnâk bângtâk, thûk tak hen hi hi dawn, na ihkhun ah dâisip hen na it liauah,

⁵LALPA sinah bâwlnâk dik tak pêk le, amah chu zumh rawh.

⁶“LALPA, malsâwmnâk tamtak hawng kan pêk. Vâlneihnâk hen hawng kan zauhkhenh!” ti hen deihtu chu tamtak an si.

⁷Uain leh fâng tla an nei tâwn mi ngâk hen, lâwmnâk na ka pêk mi chu a tam dauh.

⁸Ka zâu liauah lungngam tak hen ka it le, LALPA, nangmah cho na si him tak hen hawng ka kiltu chu.