Read Bawm Chin SAM 48 Bible Online

SAM 48 - Bawm Chin bible

SAM 48

¹LALPA chu thungâi a rokual le, a tlêng thenhlimh ah mi kan Pathian khuapi ah fâk tak hen chawnglawmh ding asi.

²Zion, Pathian tlêng chu a sâng hen â dawh le, Lal rokual khuapi nih chun laikulh zawzawng ah lâwmnâk a tlungtir.

³Khuapi kulhpi kulh sungah a sinah himnâk a um mi Pathian nih a langhtir.

⁴Lal tla chu Zion Tlâng do ding hen lal tla chu anna pâm le, an hawng.

⁵Sikhawmsele, an muh rawh chun chê an ti le; an ṭih le, an tek rang. v

⁶Nunau nganfâk tuar nei ding mi hâwi hen, thli fâk tak nih timeilawng a râwk hâwi hen,

⁷ṭihnâk leh nganfâknâk hen chunah an thir.

⁸Pathian nih zei a ti kan theih rawh, chun tuah Zeizawng tikho LALPA Pathian khuapi ah chu chu kan muh; khuapi chu zungzâl hen a vêng kumza lai.

⁹Pathian, na Biakin sungah na dâwtnâk dawng lo chu kan dawn.

¹⁰Mun kipah mi nih an sawr le, na min thangnâk nih tual zawzawng a khattir. Rep tak hen lâi na rêl.

¹¹‘Zion mi tla chu na lâwmhtir na. Lâirâl ding hen thuneihnâk na pêk le; Juda khuapi ah chun lâwmnâk na umtir.

¹²Pathian mi tla chu Zion tlêng kiangah an kal le, Insâng tla an rêl;

¹³A vâm tla chu an singsiah le, kulh tla chu an zauhdik rawh; churawhchun thlâk a um ding mi tla na simh kho na lai.

¹⁴“Hi Pathian hi zungzâl kan Pathian asi; tik a hawng tlung ding mi zawng lakah hawng kan rui lai,” ti hen.