Read Bawm Chin SAM 49 Bible Online

SAM 49 - Bawm Chin bible

SAM 49

¹Mikip nih hi hi theih u! Mun kip mi tla,

²a lian a mê, a nei a pâm mi khawm ngâi khap u.

³Ka thinlung ah ka dawn mi chu a thûk lai le, finghnâk hen thu ka sim lai.

⁴Thu thûk chu ka ngâi lai le, a umzia chu ṭingṭang tum hen ka simhfiang lai.

⁵Ṭihnungkâi liauah mêlma nih an ka kulh khawmah ka ṭih lai loh.

⁶An neih an siah lakah ngauh mi leh an sum leh pâi lakah khâwngnâk ah mangtu chu ka ṭih lai loh.

⁷Mi amah leh amah â tlanh kho dah loh, a nungnâk man khawm Pathian a pêk kho lo,

⁸minung man chu a tam tuk ruangah.

⁹Nung kumza ding leh thlân lakah kal ding hen zei tal a pêk khawmsele â tâwk rêng lai loh.

¹⁰Mi â leh zeikhawm theihlo mi hâwi hen mi fing tla khawm an thi mi chu âuzawng nih an muh kho, an ektî hen an thlâk tla rangah an neih an mâk.

¹¹Anmah rang bîk ah ram tla nei na khawmsele, an thlân tla chu an zungzâl in asi le; chunah chun zeiliau zawngah an um ding asi.

¹²Kan rokualnâk nih kan thi ding mi a hum kho lo, ramsa hen bang cho hen a thi lai.

¹³Mah leh mah â zûm mi tla tlûnah zei thil a hawng tlung zauhnik, mah neih lakah anna lâwm mi tla siatnâk chu vânduainâk ah dawrâ hâwi hen an thi le,

¹⁴thihnâk chu anmah ruitu asi. An in thawk hen lât takah thihnâk nih a râwk sawm mi hâwi hen mirep tla nih an neh na lai!

¹⁵Sikhawmsele, Pathian nih thihnâk thiltikhonâk lakah mi chu ruang hawng ka suah lai.

¹⁶Mi, a nei hen a hawng nei dadauh khawmsele na thinlung nawktir lah;

¹⁷A thih tikah a sinah a put kho lai lo le, a neihnâk chu thlân ah a kalpi lai loh.

¹⁸Hi bang hâwi neih leh siah lakah mi â lâwm hen, â dingchang ruangah sawr tawng khawmsele,

¹⁹a pi leh pu hâwi hen a thi lai, chunah chun mûi a um kumza lai.

²⁰Mi, a rokualnâk nih thihnâk lakah mi a hum kho lai lo le; ramsa hâwi hen a thi lai.