Read Bawm Chin SAM 52 Bible Online

SAM 52 - Bawm Chin bible

SAM 52

¹Mi rokualpa, zeirangah na sualnâk na putso? Pathian dâwtnâk chu a dawng lo.

²Midang tla râwk ding na tum le, na lei chu ziahdîr a hâr mi hâwi asi, âwkrâwl na hâwl kumza.

³Ṭhatnâk ngâk hen sualnâk na duh dauh le, diknâk ngâk hen diklonâk na duh dauh.

⁴Nang, mi âwkrâwlpa! mi le tla chu na thu hen nganfâk pêk chu na duhkâng asi.

⁵Churuangah Pathian nih an râwk kumza lai le, na in ah mi a nan tleih lai. Laikulh umnâk thawk hen an ṭhial ving lai.

⁶Mirep tla nih chun an muh lai le, an ṭih lai; a nan nihsanh lai le,

⁷“Zauhnik, Pathian lakah him ding hen ngauh lo hen a neih leh siah leh thilsual lakah him ding a tum mipa hi,” an ti lai.

⁸Kei lam chu Pathian in ah oliv thing a kho mi hâwi asi; zungzâl hen a dâwtnâk dawng lo lakah ka ngauh.

⁹Pathian, na thilti ruangah chun lâwmthu kan simh kumza lai le; na mi le tla mâika ah chun na ṭhat zia ka sim lai.