Read Bawm Chin SAM 53 Bible Online

SAM 53 - Bawm Chin bible

SAM 53

¹Mi â tla nih chun, an thinlung hen “Pathian a um lo,” an ti. Anna râwk ver le, thil ṭihnungkâi an ti; thil dik ti pakhat khawm an um lo.

²Pathian nih vân thawk hen minung tla chu a fing mi leh amah sawnhtu an um rêng mawh ti hen a zauh na.

³Khawmsele, mahlo leiah an pial le, an ṭhat lo dîn anna bang hep; pakhat khawm thil dik ti an um lo, pakhat tê men an um lo.

⁴“An theih lo menmaw? Hi thilsual titu tla nih an theih loh masi? Ka mi tla râwk ding hen an um le, ka sinah khawm thla an cham lo,” Pathian nih a ti.

⁵Pathian nih a mi le leidotu ruh tla a thektham phin ruangah, chu hâwi hen a lânah an um dah lo ruangah an lâu lai. Pathian nih a nawng na le, churuang chun Israel tla chu neh dep hen an um.

⁶Zion thawk hen Israel tla ruangsuahnâk ding mi thu ah thla ka cham le, Pathian nih Israel mi le sul-le-lam a tluangtir nawlh tikah chun anna lâwm awt chiam e!