Read Bawm Chin SAM 58 Bible Online

SAM 58 - Bawm Chin bible

SAM 58

¹Nannih lâirêltu tla, dik tak hen thu nan thlûk tâwn ma? Nannih lâirêltu tla, mi zawzawng lâi ṭha tak hen nan rêl maâ

²Rêl lo e! sualnâk na ti kho mi karo na dawn le, ram tla nan râwk.

³Misual tla chu umdîn diklo leikângah an kal le; an suaknâk thawk hen âwkrâwl thu an sim.

⁴Râl hâwi hen târ hen an khat. Sawkmuk nasêt hâwi hen an nâ ah theih ding an duh lo.

⁵Chubang tla nih chun rêl lâmtirtu hâu leh dâwithiam dâwi hâu khawm an ngâi duh loh.

⁶Pathian, hi bang chakeibaknei rêng hâ tla hi khiak piak na.

⁷Tî a dat ving mi hâwi hen an lang lonâk ding hen leh lampi ah belh a uai mi hâwi hen um na seh.

⁸Nêng lakah sawksawl a pil mi hâwi hen um na seh; fasêm chêu muhlo hen thi chia hen a suak mi hâwi hen um na seh.

⁹An theih manh lan karah bua an thlawh mi hâwi hen um na sele, Pathian thinthawknâk nih an dam liauah ranh ving na seh.

¹⁰Mirep tla nih misual rêp hen a um mi an muh tikah anna lâwm lai, misual tla thi hen an chêu lai.

¹¹Mi leh tla nih chun, “Mirep tla chu lâwmman pêk an si tak rawh, laikulh lâirêltu Pathian chu a um tatak ngâk,” an ti lai.