Read Bawm Chin SAM 61 Bible Online

SAM 61 - Bawm Chin bible

SAM 61

¹Pathian, ka au hâu hi theih le, ka thlachamnâk hi ngâi!

²In thawk hen lât tak lungdawng bâ hen ka nan auh!

³Ka mêlma lakah mi hawng ka vêngtu chak tak leh hawng ka humtu na si ruangah himnâk ah hawng ka siah.

⁴Ka dam sung zawzawng na mun thenhlimh ah hawng ka umtir le. na thla tangah himnâk hawng ka tawngtir.

⁵Pathian, ka thutiam tla chu na theih le; nangmah a nan zahtu tla tâ chu na ka pêk.

⁶Lalchem san chu kum tamtak hen sap le; damtir kumza!

⁷Pathian, na mâika ah lâirêl kumza ding hen, na dâwtnâk dawng lo leh na zumhkâinâk hen hum rawh.

⁸Thu ka nan tiamh mi nisiar ka nan ap liauah la sak hen kan sawr kumza lai.