Read Bawm Chin SAM 62 Bible Online

SAM 62 - Bawm Chin bible

SAM 62

¹Pathian nih ruang hawng ka suah ding hen, felfê tak hen ka ngâk le; amah sin cho ah ka ngauh.

²Amah cho nih hawng ka hum le; amah chu hawng ka vêngtu asi, neh hen ka um dah lai loh.

³Minung pakhat dâi a râwk mi ngâk hen chak lo hi zeitiang riamruam me nan do awtâ

⁴Zah a kâinâk mun ah mi chu thlâk ding karo nan awt le; âwkrâwl thusim nuam nan ti. Nan kâ hen chun mal nan sâwm le, nan thinlung hen chun siat nan barh.

⁵Pathian lak cho ah ka ngauh, amah lakah ka lungumnâk ka siah.

⁶Amah cho nih a ka hum hen ruang a ka suah; amah chu hawng ka humtu asi, neh hen ka um dah lai loh.

⁷Ka ruangsuahnâk leh zah ka kâinâk chu Pathian lakah mi asi; amah chu hawng ka humtu chak tak asi le; ka dawrnâk asi.

⁸Ka mi le tla, zeiliau zawngah Pathian chu rinhsanh u. Kan himnâk asi ruangah nan lawksawngnâk zawzawng amah simh u.

⁹Minung hi thawsuah mi hâwi cho asi, a lian a mê zeikhawm an si lo. Khâng lakah thlâi khawmsele ritnâk an nei lo, thlivir ngâk hen an zâng dauh asi.

¹⁰Tha-le-zâng ko zumh lah; rawk hen lâwk a tum lah, neih leh siah khawmsele, chu lakah a ngauh lah.

¹¹Thiltikhonâk leh a dâwtnâk dawng lo chu amah lak thawk hen mi asi ti Pathian nih a sim mi veikhat ngâk a tam ka theih.

¹²LALPA, nangmah ngelchel nih, mikip an thilti hâwi vima hen lâwmman pêk na.