Read Bawm Chin SAM 79 Bible Online

SAM 79 - Bawm Chin bible

SAM 79

¹Pathian, lunglo tla nih na ram an rûn. Na Biakin thenhlimh tla chu an nawmh hen Jerusalem chu râwk dep hen an mâk.

²Na mi tla ruak chu ruaklâwm rangah an mâk le, na to-aw ruak tla chu ramsa ei dingah an mâk.

³Na mi tla thisen chu tâ hâwi hen an suaktir le; tâlian hâwi hen Jerusalem khua lakah a luang le, âukhawm ruak vâitu ding an um lo.

⁴Hawng kan kulhtu phun tla nih hawng kan nihsanh le, hawng kan zauhnawmh.

⁵LALPA, kan lakah na thin a run awt kumza na maw? Na thinrunnâk chu mei hâwi hen a kâng vima awt na mawâ

⁶Nangmah a nan sawnh lotu phun leiah na thinrunnâk suah le, nangmah sinah thlacham lotu minung tla tlûnah chun.

⁷Na mi tla an thah hen; na ram tla an râwk ruangah.

⁸Kan thlâktu tla sual ruangah hawng kan rêp lah. Kan lungumnâk zawzawng kan thlâu ver rawh tuah kan tlûnah khuaruat.

⁹Pathian, zah na kâinâk ruangah hawng kan ṭangpi le, ruang hawng kan suah; hawng kan hum le, kan sual tla hawng kan ngaihdam.

¹⁰Zeirangah phun tla nih, “Zeiah nan Pathian,” hawng kan ti zia lai. Na to-aw tla thisen suahtu phun na rêp na mi chu hawng kan muhtir.

¹¹Rêngtlâ râm hâu chu ngâi le, thi ding hen an mawhtir na mi chu na thiltikhonâk hen suah na.

¹²Nangmah zauhnawmh hen a nan nawmhtu phun tla chu vei sarih khirh na, LALPA.

¹³Churawhchun kannih, na mi tla, na dawrâ rual nih lâwmthu kan sim kumza hen tik hawng tlung ding zawng lak khawm an nan sawr lai.