Read Bawm Chin SAM 81 Bible Online

SAM 81 - Bawm Chin bible

SAM 81

¹Hawng kan vêngtu, Pathian sinah lâwm hen âu ule, Jakob Pathian chu la hen sawr u!

²Tumphung tla leh khuang tum dawmh ule, tumphung ngâinuam leh ṭingṭang tla tum u.

³Thlalâi leh thladêt liauah puai rangah tâwtawrâwt tum u.

⁴Hi hi Israel ram dîn leh Jakob Pathian thupêk asi.

⁵Aigupta ram a do liauah Israel mi tla rangah a pêk na.

⁶Hâu theih kholo nih a sim mi ka theih le, “Nan kêng ah nan thilrit phurh chu ka lâk le, tual rawh nan phurh mi thilrit chu kan thlâk piak na.

⁷Nan lawksawng ni ah nan ka auh le, ruang ka nan suah na, ka thupnâk thlipi thawk hen ka nan sang na. Meribah tinungva ah ka nan nik na.

⁸Ka mi tla ka nan simhkanh na mi hi ngâi u; Israel tla ka thu ngâi ding hen kan duh na zia hi!

⁹Pathian dang rerêng nan sawnh ding asi lo.

¹⁰Kei LALPA nan Pathian, Aigupta ram ah mi a nan lâk natu chu ka si. Nan kâ âng ule, ka nan châwm na lai.

¹¹“Sikhawmsele, ka mi tla nih chun ka thu an ngâi lai lo le; Israel nih chun ka thu an ngâi lai loh.

¹²An duhnâk zawngah kal ding hen lungkhungnâk lampi ah ka kaltir na.

¹³Ka mi le tla nih ka thu an ngâi ding thungâi ka duh; ê-aw ngâi ding khawm thungâi ka duh na!

¹⁴An mêlma tla rang tak hen ka neh piak na lai le, an leido zawzawng ka neh piak na lai.

¹⁵Hawng ka huatu tla chu lâu hen ka mâika ah an kân lai le; ka rêp na nâk chu kumleza tiang asi lai.

¹⁶Sikhawmsele, buh ṭha chem hen kan châwm na lai le; ram khuaizû hen kan khimtir na lai,” ti hen.