Read Bawm Chin SAM 94 Bible Online

SAM 94 - Bawm Chin bible

SAM 94

¹LALPA, nang Pathian mi rêptu chu na si, na thinthawknâk hawng langh!

²Mi zawzawng lâirêltu na si; thawk le, mi zûm tla chu anmah dêng vima hen pêk na!

³LALPA, zei tluk leh zeitiang riamruam me misual chu â lâwm awtâ

⁴Zeitiang riamruam me an dîn buar ruangah anna zûm hen an dîn râwk ruangah anna khâwng awtâ

⁵LALPA, na mi tla an râwk le, na tâ tla chu an nehsawh.

⁶Numei tla leh ngâkṭah tla an thah na, kan ram mi khual tla chu an thah na.

⁷“LALPA nih hawng kan muh vak lo, Israel Pathian nih a theihtir lo,” an ti.

⁸Ka mi tla, chu hâwi tluk hen nan mâwl kho zia? Zei tikah nan theihthiam awt?

⁹Pathian kan nâ tla siamtu nih a theih kho awt lo ma? Kan mit siamtu nih a muh kho awt lo maâ

¹⁰Phun zawzawng lakah thuneitu nih a rêp na awt lo ma? Mi zawzawng sîntirtu nih finghnâk a nei awt lo ma?

¹¹LALPA nih an thinlung dawn chu a theih, an thilruat tla chu zeikhawm asi lo ti a theih.

¹²LALPA, na sîntir na mi chu an thaw a suak hen na dîn na sîntir mi chu an thaw a suak!

¹³Misual tla chu an lawksawng ni thawk hen, khur chawh lakah na tângtir na tiang hen anih chu na dîntir.

¹⁴LALPA nih a mi tla chu a kaltâk na lai lo le; amah lakah um mi tla chu a karo hen a siah na lai lo.

¹⁵Lâirêlnâk ah chun lâirêl diknâk a lang nawlh lai, mirep tla zawzawng nih anna âwi lai.

¹⁶Ka rangah misual tla do ding hen âu me thawk laiâ Thilsual titu tla do ding hen ka sârah âu a um laiâ

¹⁷LALPA nih hawng ka ṭangpi lah sele chu, ram kingnâk ah ka kal ving lai rawh.

¹⁸“Ka tlû rawh” ka ti le, sikhawmsele, LALPA, na dâwtnâk dawng lo hen hawng ka ṭangpi.

¹⁹Ningdawng leh dâ tak hen ka um liau khawmah, Thla na ka ngamh le, na ka lawmhtir.

²⁰Lâirêlnâk diklo lakah na kawpkaih lo, dîn diklo siamtu hen khawm.

²¹Mi ṭha phiartu leh sual neilo thahtu hen khawm na rem lo.

²²Sikhawmsele, LALPA nih a ka vêng le, ka Pathian nih a ka hum.

²³An sual ruangah a rêp na lai le, an sual ruangah a veih na lai le, LALPA kan Pathian nih a veih na lai.