Read Bawm Chin SAM 98 Bible Online

SAM 98 - Bawm Chin bible

SAM 98

¹LALPA sinah la thar sak u; thilchê tak tla a ti rawh! A chaknâk thenhlimh leh a thiltikhonâk hen nehnâk â ting.

²LALPA nih a nehnâk chu a phuang! A thiltikhonâk hen ruang a suahnâk chu phun tla a theihtir.

³A diknâk leh a dâwtnâk dawng lo hen Israel mi zapi le tla sinah a thutiam chu a kil thlir. Kan Pathian nehnâk chu munkip mi zawng nih an muh.

⁴Tual zawzawng tla, LALPA sinah lâwm hen la sak u; la hen amah chu sawr ule, lâwm hen âu u!

⁵LALPA chu sawr hen la sak u! ṭingṭang tum u!

⁶Tâwtawrâwt leh ki tla tum u, LALPA, kan lalchem sinah lâwm hen âu u.

⁷Tipi leh a sungah thilsiam tla, nan hâu suah u; tual leh a tlûnah um mi zawzawng tla, la sak u!

⁸Nannih tiva tla, nan zâ bengh u; Nannih tlêng tla, lâwm hen LALPA mâika ah la sak u;

⁹laikulh lâirêl ding hen a hawng ruangah. Laikulh minung tla chu ṭha tak leh dik tak hen lâi a rêl piak na lai.