Read Bawm Chin THUFING LASUIBU 15 Bible Online

THUFING LASUIBU 15 - Bawm Chin bible

THUFING LASUIBU 15

¹Aw-ka nêm hen sângnâk nih thinthawk a rehtir le, sikhawmsele ro hen sângnâk nih thin a thawktir.

²Mifing tla nih thu an sim chun mi thinlung a purh. Sikhawmsele mi mâwl nih chun thu salam an sim.

³Mun kipah thil a hawng um mi chu LALPA nih a muh le, thilsual ma kan ti thil ṭha ma kan ti, amah nih hawng kan zauh ko.

⁴Thu vêlnei nih nungnâk a pêk le, sikhawmsele thu ṭha lo nih thinlung a râwk.

⁵Na pa nih a nan sîntir mi ngaihlo lêm na thlâk chun mi mâwl tak na si le, a nunsimhnâk na zûl chun na fing mi asi lai.

⁶Mirep nih an neih an kil le, sikhawmsele tik harsa a hawng tlung chun an neih an thlâu hep.

⁷Theihthiamnâk chu mi â nih an zanh mi asi lo le, mifing nih an zanh mi asi.

⁸Mi ṭha thlachamnâk ah LALPA â lâwm le, sikhawmsele misual tla nih bâwlnâk an hawng put mi chu a hua.

⁹LALPA nih misual tla umdân chu a hua le, thil dik titu tla lam chu a dâwt na.

¹⁰Thil diklo na ti chun, fâk tak hen rêp na si lai; nangmah lakah diknâk a um lo chun na thi lai.

¹¹LALPA nih thil a um mi tla a theih mi lakah laikulh thihnâk khawm nih a kham kho lo. Chu hâwi asi chun, mi nih zeitin Pathian theihlo ding hen a thinlung dawn tla a thuh kho awt?

¹²Mi zûm tla nih nunsimh an duh lo, mifing tla sin khawmah thu an deih dah lo.

¹³Mi tla chu anna lâwm chun an nî tâwn, an ngaihsia chun an zûr thlo tâwn.

¹⁴Thil theihthiam mi tla nih chun sîntirnâk an duh le, sikhawmsele mi mâwl tla nih zeikhawm an theihlonâk ah anna lâwm tâwk.

¹⁵Mi pâm nungnâk chu lawksawngnâk dawnglo asi. Sikhawmsele mi â lâwm mi tla nih chun lâwmnâk an nei kumza:

¹⁶Mi nei si hen lawksawng a um ngâk hen, mi pâm si hen LALPA ṭihtu a ṭha dauh.

¹⁷Na dâwt mi minung hen an nah ei chu, na hua mi hen buh an thaw chem ei ngâk hen a ṭha dauh.

¹⁸Mi thintâwi nih chun êlnâk a suah tâwn. Sikhawmsele dawnhkhonâk nih remnâk a suah.

¹⁹Na zângzê chun zei ram zawngah harsatnâk na rangah a um lai le, sikhawmsele mi zumhkâi na si lam chun zei mun khawmah nawknâk na nei lai lo.

²⁰Fapa fing nih a pa a lawmhtir. Mi mâwl nih chun a nu rangah a zauhnawmh.

²¹Mi mâwl nih chun anmah mâwlnâk ah nuam an ti le; sikhawmsele mifing nih chun thil dik a ti.

²²Na tawng kho zia zia hen krai a khâi le, na dingchang lai. Krai lo hen chun na palh lai.

²³A tik takah thudik tawng chu thungâi lawmh a kâi.

²⁴Mifing tla nih chun tlûnlei nungnâk lampi an zawh. Tanglei kângah thihnâk lei a zawh mi lampi ah an zawh lo.

²⁵LALPA nih â zûm mi minung in tla chu a râwk lai. Sikhawmsele numei neih chu a hum lai.

²⁶Sual leikâng dawn chu LALPA nih a hua le, sikhawmsele ngamh tlâk thusim chu a lawmh.

²⁷Diklo tak hen lêp ding na tum chun na dâwngsungkhur ah nawknâk na siam mi asi lai. Nawhnâk ei lah le, na dam sâwt lai.

²⁸Mi ṭha nih thu a sâng lânah a dawn tâ tâwn. Misual nih mawhsareh hen a sâng sawm le, sikhawmsele lawksawngnâk asi.

²⁹Mi ṭha nih thla a cham chun LALPA nih a ngâi le, sikhawmsele misual tla chu ngaihlo lêm a thlâk na.

³⁰Nih mêl nih a nan lawmhtir le, thâwng ṭha nih na thinlung a lawmhtir dauh.

³¹Nunsimh hen na um liauah thu na ngâi asi chun na fing mi asi lai.

³²Sîntir na duh lo chun, nangmah nganfâk na pêk mi asi. Nunsimhnâk na ngâi chun, na fing mi asi.

³³LALPA zah chu thiamnâk asi. Mi chawnglawmh hen na um lânah nâu tak hen na um ding asi.