Read Bawm Chin THUFING LASUIBU 17 Bible Online

THUFING LASUIBU 17 - Bawm Chin bible

THUFING LASUIBU 17

¹Nawknâk puai va ei ngâk hen, thlangam tak hen sang rêu ût mi ei a ṭha dauh.

²To-aw fâifîm nih a pu fapa rualo thuneihnâk â ting le, rotingnâk lak khawm vo a nei bâk.

³Tangka leh ngûn chu mei hen nik asi le, minung thinlung lam chu LALPA nih a nik.

⁴Misual nih chun thilsual a dawn le, mi âwkrâwl nih âwkrâwl thu a dawn.

⁵Mipâm na nihsanh chun, a siamtu Pathian na siarlo mi asi. Midang vânduainâk lakah na diriamh chun rêp hen na um lai.

⁶Tar tla nih an tu tla an rinhsanh le, mipa ngâksia tla nih an pa an rinhsanh na mi hâwi hen.

⁷Mi zahkâi tla nih âwkrâwl thu an sim lo. Mi â nih thu ṭha sim ding zeikhawm an nei lo.

⁸Mi zeimaw mi nih nawhnâk chu mit-leh-dâwi thilti hen an ngaih le, zeizawng a tikho ding hen an ruat.

⁹Zatlâng duh hen um ding na duh chun an sual liauah ngaihdam na. Thil diklo nih hâwikawmh a râwk ti theihkumza rawh.

¹⁰Mi theihthiamnâk nei mi nih chun, midang nunsimhnâk veikhat lakah mi mâwl vei zâ an vuak mi ngâk hen lung fiangnâk a nei dauh.

¹¹Misual nawknâk tuahtu tla sinah chun thu thanhtu ṭhalo tak hâwi hen thihnâk an sinah a tlung lai.

¹²Mi mâwl, thil salam lakah a nawk mi hen va tawng ngâk hen chun vawm nunau fa lâk piak mi hen tawng a ṭha dauh.

¹³Ṭhatnâk chu sual hen na rulh chun, na insungkhur chu sualnâk a reh lai loh.

¹⁴Thu êlnâk dawmh chu a masa hen tidil sah hâwi asi. Mun dangah a thang lânah bâng rawh.

¹⁵Mi mawhlo rangah mawhtir mawh misual rang ngaihdamnâk pêk chu LALPA nih a hua vevê.

¹⁶Mi mâwl rangah lasui sînnâk rangah tangka hêu chu zeikhawm ṭhatnâk a um lo. Midang hâwi hen theihthiamnâk a nei lo ruangah.

¹⁷Hâwikawmh nih an dâwtnâk an langh kumza le, unau nawknâk ah ṭangpi lotu chu zeirangah ṭhatvaknâk a um lai?

¹⁸Mi theihnâk neilo mi cho nih midang leibat lakah rulh ding hen thu a tiam.

¹⁹Sual duhtu nih chun nawknâk tuah duhtu asi. Zeiliau zawngah na khawng chun nawknâk na duh mi asi.

²⁰Sualnâk lei dawn hen thusimtu chu siatnâk cho lo chu thil ṭha tawng ding zeikhawm lungum kho asi lo.

²¹Fapa thil âtkâi tak titu nei mi nih chun, ngaihsiatnâk leh lawksawngnâk cho lo chu zeikhawm a nei lo.

²²Thinlung lawmhnâk nih a nan ṭhiseltir lai. Zûr kumza hen um chu dusah hen thihnâk asi.

²³Siatnâk dingah lâirêlnâk diklo nih nawhnâk a lâk le, sikhawmsele lâirêlnâk dik nih a ti duh lo.

²⁴Mi theihthiamnâk nei mi nih fing tak hen thilti ding a tum. Sikhawmsele mi â nih kâng tamtak kal a tum.

²⁵Fapa â chu a pa rangah ngaihsiattirtu leh a nu rangah thinlung fâktirtu asi.

²⁶Mi a mawh lo mi rangah lei châwitir chu a dik lo. Lâirêlnâk dik an râwk mi asi.

²⁷Mah lakah theihthiamnâk nei mi chu a hawlh salam lo. Mi a dâisip mi chu muhnâk tak an nei.

²⁸Mi â khawm a mur chîp hen a dâisip chun mifing ah ruat asi kho.