Read Bawm Chin THUFING LASUIBU 18 Bible Online

THUFING LASUIBU 18 - Bawm Chin bible

THUFING LASUIBU 18

¹Midang kawmh lo mi tla chu mah lakah duh tâwknâk an nei. Midang nih dik an ti mi lakah an bawppi lo.

²Mi mâwl nih a theihthiam ma theihthiam lo ti ruat set nâk a nei lo. Amah fing si hen langh a duh.

³Sualnâk leh ningzaknâk chu munkhat hen an kal asi. Zahkâi hen na um lo chun, nihsanh hen na um lai.

⁴Mi thusim lakah finghnâk a um kho. Tisumsumriat hâwi a thûk hen, tî hâwi hen a luang kho.

⁵Misual sunhsak leh zeikhawm thilsual tilo mi diklo hen ngaih chu a dik lo.

⁶Mi mâwl nih thu êl a dawmh chun vuak a hauh mi asi.

⁷Â tak hen a hawlh mi chu amah siatnâk a sim mi asi le, amah thusim mi thang nih a awh.

⁸Chawngawih chu a nuam thlo le, buh thaw ei hâwi asi.

⁹Mi zângzê chu mi zeimaw mi siat-le-râwk hen an um mi hâwi asi.

¹⁰LALPA chu kulh bir hâwi asi le, a sinah mirep tla chu an kal hen an him kho.

¹¹Minei tla nih an neihnâk chu an humtu ding hen khuapi kulh bir tak leh sâng tak hen an ngaih.

¹²Mi â nautir lo chun âukhawm nih an zah lo. Siat leh râwk ding hen mi â zûm mi chu chu lampi ah an kal.

¹³Na sâng lânah thu ngâi tâ rih. Chu hâwi na ti lo chun na mâwl hen zauhnawmh kâi na si.

¹⁴Na damlo liauah nung ding hen na duhnâk nih a nan nuamtir dauh lai. Sikhawmsele, duhnâk na nei lo chun lungum ding na nei lo rawh.

¹⁵Theihthiamnâk nei mi minung nih chun an thinlung thawk hen sîn ding an tum kumza.

¹⁶Mi pawimawh tak hen tawng ding na duh ma? Lâwmman pêk le, awl tak hen nanna tawng kho lai.

¹⁷Lâirêlnâk ah tlunh masâtu chu a tawhpi mipa thu deih lân chun dik hen a lang kumza.

¹⁸Mi thiltikho mi vevê anna do chun, chamchawhnâk nei hen an thil thlûk kho asi.

¹⁹Na unaupa chu ṭangpi le, khuapi kulh hâwi hen nangmah humtu asi lai. Sikhawmsele thu na êlpi chun, na rangah in a khâr pang lai.

²⁰Na thusim zia zia hen na nung lai.

²¹Na thusim chu nangmah nunhtu khawm asi kho, nangmah veihtu khawm asi kho. Churuang chun na thusim zia zia hen na tawng ding asi.

²²Nupi na tawng mi chu thil ṭha na tawng mi asi le, LALPA chu na lakah a ṭha asi ti a lang.

²³Mipâm nih thu a sim liauah aw-ka nêm hen thil a deih. Sikhawmsele minei nih ṭhalo tak hen a sâng.

²⁴Hâwi zeimaw mi chu an sâwt lo, zeimaw mi chu unau ngâk hen zumh an kâi.