Read Bawm Chin THUFING LASUIBU 20 Bible Online

THUFING LASUIBU 20 - Bawm Chin bible

THUFING LASUIBU 20

¹Zû na din tuk mi nih a nan âttir hen hâu a nan suahtir. Zurît chu âtnâk asi.

²Lal thinthawk rângnâk chu chakeibaknei nih mi a râp mi hâwi asi. A thinthawktirnâk chu mah thihnâk asi.

³Mi mâwl nih thu êl an mang le; zahkâinâk chu chubang lakah thlei hen um chu asi.

⁴Phâisen nâwntu a zângzê ruangah a tik takah phâisen nâwn lotu nih fângât ding a nei lai loh.

⁵Mi nih a thil dawn chu tikhurchawh thûk tak ah mi tî hâwi asi. Sikhawmsele mi zeimaw mi nih muh khonâk hen a than kho nget.

⁶Mikip nih zumhkâi leh rinhtlâk hen thu an sim le, sikhawmsele, mirep nih a zei mi tak a dik ti theih ding hen a tum.

⁷Pa zumhkâi thil dik titu fa tla chu an vân a ṭha.

⁸Lal chu lâirêl ding hen a to le, a muhnâk thawk hen thilsual a theih kho.

⁹Mi âu nih a sualnâk lakah mi ruangsuak hen a sia leh a ṭha a dik ti sim khotu um?

¹⁰LALPA nih diklo tak hen khinghtu leh tahtu chu a hua.

¹¹Ngâksia men nih a thilti hen zei hâwi mi asi ti a langh kho; mi zumhkâi leh mi dik asi chun na sim kho.

¹²LALPA nih muhnâk mit leh ngâinâk nâ hawng kan pêk.

¹³Na hun tla itnâk ah na mang chun na pâm lai. Rianṭuannak ah mang kumza le, ei ding na nei tam lai.

¹⁴Thil man a sâng tuktarâi chun, a châwktu tla an chipchiar. Sikhawmsele a kal nûnah thu anna tiam mi chu khâwngnâk.

¹⁵Na thusim chu na theihthiam asi chun, ngûn leh lungmantam ngâk hen a sung mi na nei asi.

¹⁶Mi mâwl âuzawng nih ramdang mi bangki lakah amah â khâi chun, amah neih a ruangrûl ah tiamh ding hen a suak lai.

¹⁷Zumhmaih hen thil tawng chu buh thaw chem mi hâwi hen lâwmnâk sikhawmsele tuko mawh a nehnûnah mawh kâ khat phak hen sep bâr hâwi asi.

¹⁸Krai ṭha a ting le, na dingchang lai. Ruat tâ lo hen râltuk ding hen kal sut lah.

¹⁹Mi katam nih thuthup a kil kho lo. Mi katam sinah um lah.

²⁰Na nu leh pa siat na barh na chun, na nungnâk chu khâwnvâr hâwi hen a mit mi hâwi hen a dawng lai.

²¹Awldek hen neihnâk na ting mi chu na rangah tâwmtê cho an ṭangpi lai.

²²Thil diklo rangah a pêk lah, LALPA lakah a ngauh le, amah nih a diktir lai.

²³Khîng diklo mangtu leh tahnâk diklo chu LALPA nih a hua.

²⁴Kan lampi ding chu LALPA thu thu asi le; mi âu nih a umdân ding zei hâwi asi ti a theih kho lai?

²⁵Pathian sinah thil pêk ding hen thu na tiam lânah a ruat set rih. A nehnûnah na sîr lebang lai.

²⁶Lal fing nih thilsual titu chu a theih kho le, siherhnâk neilo hen a rêp lai.

²⁷LALPA nih thinlung leh sia-leh-ṭha theihnâk hawng kan pêk le, kanmah lakah mi chu âukhawm nih thuh kho asi lo.

²⁸Lal chu a lâirêlnâk zumh a kâi kar vial chu thiltikho tak hen a um lai le, â rep hen a ṭha lai.

²⁹Seino liau chaknâk chu zumh a kâi le, kum upa mi sampâr khawm zah a kâi.

³⁰Kan umdân lêt ding hen a zeimaw zâwn ah nganfâknâk nih theihthiamnâk a pêk.