Read Bawm Chin THUFING LASUIBU 23 Bible Online

THUFING LASUIBU 23 - Bawm Chin bible

THUFING LASUIBU 23

¹Mi pawiherh hen munkhat buh nan ei chun, âu hen nan to theih set.

²Mi ei vak si khawm le a sûm rawh.

³Buh-an thaw a nan hunh mi lakah hamhkah lah le, nangmah perpet ding an tum mi khawm asi kho.

⁴Neihnâk duh ruangah a hamh lo ding hen a thiamthih rawh.

⁵Na tangka chu mîmthlalek hâwi hen a vei sawm lai le, mupi thla a nei mi hâwi hen a zuang ving lai.

⁶Mi khiar buhkhêng lakah mi ei lah. A nan pêk mi buh-an thaw khawm ngarh lah.

⁷“Hawng le, a dang lâk rih,” a ti lai le, sikhawmsele a thinlung tak lam chu asi lai loh. A thinlung ah a dawn mi chu a theih ko.

⁸Na ei mi chu na luak lai le, vel leh khua hen na tinâk chu zeikhawm asi lai loh.

⁹Mi â sinah chun thufing sim lah, a nan bawp awt lem lo.

¹⁰A lân ah ramri chu ṭhial lah le, mi ngâkṭah ram neih chu suh lah.

¹¹LALPA chu anmah vêngtu thiltikho tak asi le, anmah ruangrûl ah LALPA nih a nan do lai.

¹²A nan sîntirtu thu ngâi le, na theih rirî hen zûl.

¹³Na fa nunsimh ding mi lakah a sûm lah. Vuaknâk ruangah chun a thi awt lêm lo.

¹⁴Chu hâwi ti ruangah a nungnâk chu na hum kho.

¹⁵Ka fapa, na fing chun kei khawm thungâi ka lâwm lai.

¹⁶Finghnâk thu na sim chun kei khawm thungâi ka lâwm lai.

¹⁷Misual tla chu nahsuah lah le, LALPA chu zah le, na nungnâk chu sunhsak rawh.

¹⁸Chu hâwi asi chun na mâilei rangah chêu na nei mi asi lai.

¹⁹Ka fapa, na nungnâk lampi thu ah fing tak hen dawn set.

²⁰Zû din leh sa ei hen khim tak um mi chu kawmh na lah.

²¹Zû din mang leh buh ei chak chu pâmnâk a suah. It leh ei lâwng hen na um chun nangmah siat-leh-râwk hen na um sawm lai.

²²Na pa thu ngâi le, amah lo hen khua na sâ kho awt lêm lo. Na nu a tar tik chun na dâwtnâk langhtir rawh.

²³Thudik, finghnâk, sînnâk leh finghnâk ṭha hi na sunhsak ding mi asi. Sikhawmsele zuar ding hen chun an sung-û tuk.

²⁴Mirep pa chu lâwmnâk ding san ṭha tak a nei. Fapa fing chu putso tlâk asi.

²⁵Na nu leh na pa zumhtlâk hen um le, na nu rangah lâwmnâk siam rawh.

²⁶Ka fapa, nâi tek hen ngâi le, ka umdân hi zauhtawnh ah mang rawh.

²⁷Nunau hur leh â zuar mi chu thihnâk thang asi.

²⁸Mifîr hâwi hen mi an bawh le, mi tamtak mi zumhkâilo hen an siam na.

²⁹Mi zeimaw mi zû din tuktarâi mi, midang rangah dintir ding hen tumtu chu hawng ka muhtir le, kei khawm nih mi lawksawng leh amah lakah lawksawng mi nawknâk tuah kumzatu leh chipchiartu ka nan muhtir bâk lai. A mit tla thî hâwi hen a sen kur. Liam lonâk ding khawmah â liam.

³¹Zû nih na thinlung thawktir lah sele, sen kar hen duhkâi tak hen luang zal mal khawmsele na lung thawk lah seh.

³²A thâituan ah chun, rûl tûrnei nih chuk mi hâwi hen na theih lai.

³³Muhnâk chê tak tla na mitmuh ah a hawng lang lai le, thinlung dawnnâk khawm na nei lai lo, fiang hen khawm na hawlh kho lai loh.

³⁴Tisumsumriat tlûnah lawng lakah a rî mi, pipiên thenh mi hâwi hen na theih lai.

³⁵“Vuak hen ka um le, bengh hen ka um, sikhawmsele ka theih lo thlo; zeirangah ka fîm kho lo? Ka din nawlh dâidua lai rih,” na ti lai.