Read Bawm Chin THUFING LASUIBU 24 Bible Online

THUFING LASUIBU 24 - Bawm Chin bible

THUFING LASUIBU 24

¹Misual chu ngarh lah le, hâwikawmh khawm siam lah na.

²Nawknâk tuah ding karo an dawn le, mi zeimaw mi rangah nganfâk pêk ding karo an sim.

³In tla chu finghnâk leh theihthiamnâk lungphûm tlûnah sak asi.

⁴Theihthiamnâk umnâk ah chun thil dawh leh thil sung hen a khat asi.

⁵Chak ngâk hen fingh a ṭha dauh. Asi, chaknâk ngâk hen theihthiamnâk a herh dauh.

⁶Zeizawng nûnah râl hen nanna tuk lânah tumnâk thiamthih tak na nei ding asi. Krai ṭha na tawng mi hâwi hen ṭha tak hen na neh lai.

⁷Finghnâk thusim chu mi mâwl rangah theihthiam ding hen a thûk tuk. Thu herh an ruat liauah zeikhawm sim ding a nei lo.

⁸Thilsual ti ding tum kumzatu na si chun, nawknâk tuahtu si na lawh lai.

⁹Mi â nih thil zeital a dawn mi chu sual asi. Mi zeikhawm neilo hen midang tluktlaktu chu mi nih an hua.

¹⁰Tik harsat liauah na dî thlo chun na dî tatak mi asi lai.

¹¹Diklo tak hen an mawhtir mi thu ah ruang va suah ding hen zenh lah.

¹²Kei ti ding mi zât asi lo na ti kho, sikhawmsele Pathian nih na thinlung ruat a theih le, lâi a rêl. A nan vêng tet le, a nan theih ko. Na thilti zia zia hen an pêk lai.

¹³Ka fapa, khuaitizû din rawh; a ṭha asi. Khuai thlâr lakah mi khuaizû na kâ ah a hawng luang mi hâwi hen,

¹⁴na nungnâk rangah finghnâk chu a ṭha asi ti na theih kho lai. Finghnâk nei rawh, na mâilei rangah chêu na nei mi asi lai.

¹⁵Misual, mi zumhkâi râwktu leh a in lâk piak awttu hâwi hen um lah.

¹⁶Mi zumhkâi chu tlû khawmsele a pawi lo, a thawk nawlh awt nget ruangah, sikhawmsele siatnâk nih mipâm chu a veih lai.

¹⁷Na mêlma siatnâk a tlung liauah a lâwm lah le, a tlû liau khawmah a lâwm lah.

¹⁸Na diriam mi a theih lai le, LALPA nih a duh zia lai lo le, a rêp ding mi a lêt ving lai.

¹⁹Misual ruangah na lawksawng lah le, nahsuah lah na.

²⁰Misual tla nih chun mâilei ting ding lungumnâk an nei lo.

²¹Ka fapa, Lalpa chu ṭih le, lal chu zah rawh. An lakah heltu tla lakah a ṭângṭawm lah.

²²Chu tla chu sâwtlotê ah siat-le-râwk hen an um lai. Pathian leh lal nih chun siat-le-râwknâk an tlungtir kho ti na theih lo ma?

²³Mifing tla nih chun hi bang thil tla khawm hi an sim: Lâirêltu nih thil a fiang lânah ruatnâk nei chu a dik lo.

²⁴Mi a mawh ko mi a mawh lo a ti chun, siatbarh hen a um lai le, mikip nih an hua lai.

²⁵Lâirêltu nih misual a rêp mi chu, zeitin tal sikhawmsele lâirêl tluang tak leh minṭhat a lawh vima lai.

²⁶Sângnâk zumhkâi chu hâwi dik singsiahnâk asi.

²⁷Na phâisen timhtuah zet hen, nungnâk ding ka tawng kho lai rawh ti na theih lân lo chu, in sak hen um mun khuar lah.

²⁸A san umlo hen, âu lakah mawh thupawi tlungtir lah le, diklo tak hen a thu sim lah.

²⁹“Keimah lakah a ti ziatê hen a lakah ka ti bâk awt, amah hâwitê hen ka um bâk awt,” ti lah.

³⁰Mi mâwl zângzê, phâisen leh grep mun ka ṭawl.

³¹Ling leh bua leh belh nih a khuh pang. A lung kulh tla khawm a chim ver.

³²Ka zauh hen ka dawn chiam le, chu thawk hen theihnâk ka nei:

³³Chu hâwi hen um ding na duh bâk chun zâu le it. Na kut tum le, a dîn ziar.

³⁴Sikhawmsele, na it liauah pâmnâk chu meithal râwk hâwi hen na lakah a hawng tlung lai.