Read Bawm Chin THUFING LASUIBU 26 Bible Online

THUFING LASUIBU 26 - Bawm Chin bible

THUFING LASUIBU 26

¹Ṭhalpini ah vûr a tlâ mi hâwi leh fâng zûn liauah ruah sûr hâwi hen mi â chawnglawmhnâk hi â êp lo asi.

²Siatbarh rê ding hen thil na ti lo chun, na rangah a pawinâk a um lai loh. Va fû lo hen a zuang mi hâwi asi.

³Rang chu vuak le, sanatung chu thîr barh le, mi â chu vuak rawh.

⁴Thu deihnâk âtkâi tak na sâng chun, nang a sângtu khawm amah hâwi mi â na si lai.

⁵Thu deih âtkâi tak chu a sângnâk âtkâi tak hen sâng bâk. A nan deihtu nih chun a ruatnâk ah fing chiam hen an ruat lai loh;

⁶Mi â rangah thu na chah chun, na kê na tan mi hâwi asi lai le, na rangah lawksawngnâk salam asi.

⁷Mi â nih thufing a mang mi chu mi khêng nih a kê a mang mi hâwi asi.

⁸Mi mâwl chawnglawmh chu, lung sehnâk khâwl lakah lung ṭêmbawh mi hâwi hen tha a thawktir.

⁹Mi â kâ ah thufing sim mi chu zurî nih a kut ah ling a chawih mi hâwi asi ti na theih lai.

¹⁰Mi â rangah lawh lâktu chu mikip rangah siat-leh-râwktu asi.

¹¹Mi â nih thil âtkâi tak a ti nawlh mi chu ui a luak leiah a kîr nawlh mi hâwi asi.

¹²Mi fing ṭung lo hen fing hen â ruat mi ngâk chun mi mâwl chem si a ṭha dauh.

¹³Zeirangah mi zângzê chu in sungkhur ah mi a suak dah lo? Zei me a ṭih? Chakeibaknei tla ma?

¹⁴Mi zângzê chu a ihkhun ah khatlei khatlei ah â her, inkhâr, kawpza lakah â thlâi mi lanh tiang men a suak lo.

¹⁵Mi zeimaw mi chu an zângzê tuktarâi le, an kâ ah buh bâr ding men an huam lo.

¹⁶Minung pasarih nih an ngaihdân ṭha tak an sim mi ngâk hen mi zângzê nih theihthiam dauh hen â ruat.

¹⁷Mi thu anna êl mi lakah zeikhawm pawinâk umlo hen na tel chun, tualmâi ah ui a tlawng mi leh a nakhaw ah ṭhuam mi hâwi asi.

¹⁸Mi nih âumawh amahlo leikângah ruai hen, ka nan chapo mi asi titu chu thihnâk riamnâm mi â nih a pangpi mi hâwi asi.

²⁰Thing tih ding a um lo chun mei a mit. Chawngawihnâk a um lo chun thu êlnâk a um lo.

²¹Meihawl nih meialh a tuah le, thing nih meialh a suah, nawknâk nih thu êlnâk a suah.

²²Chawngawih chu a nuam thlo le! A dawlh thungâi nuam kan ti tâwn!

²³Thinlung ah ruat mi tak pheh hen zumhkâi lo thuruat chu, tangkasa tlêu vak hen tual bêl man awl tak luanh mi hâwi asi.

²⁴Mi perpê nih a huatnâk chu sawr telênâk hen a thuh.

²⁵Ṭha tak hen lang khawmsele lung lah. Mi a huatnâk hen a thinlung a khat dil asi.

²⁶Mi a huatnâk chu a thuh le, khawmsele thilsual a ti mi chu mikip nih an muh.

²⁷Midang rangah thang tunhtu chu, anmah anna awh. Âuzawng mun chimtirtu chu siatnâk a tawng.

²⁸Âwkrâwl pet hen âumawh rangah nganfâk pêk ding na duh kho. Thuruatnâk zumhkâilo nih chun siatnâk cho a tlungtir.