Read Bawm Chin THUFING LASUIBU 27 Bible Online

THUFING LASUIBU 27 - Bawm Chin bible

THUFING LASUIBU 27

¹A thâituan ding mi chu a rinh lah. A kar lakah zei thil a hawng um awt na thheih lêm lo.

²Mah a sawr lah le, midang nih a nan sawr dauh seh, khual khawm nih.

³Misual nih nawknâk a tuah mi chu lung leh risep ngâk hen a rit dauh.

⁴Thinthawk hi a ṭha lo le, râwknâk asi. Nahsuahnâk chu chu ngâk hen a fâk.

⁵A thuptê a zauhkhenh lo hen thinlung ri cho hen theih mi ngâk chun, fiang kel hen nunsimh a ṭha dauh.

⁶Na hâwi nih nganfâk a nan pêk khawmsele a ṭha asi. Sikhawmsele na mêlma nih na dâr ah a nan kuah liauah a thiamthih rawh!

⁷Na khim liau chun khuaitizû men na din duh lai loh, sikhawmsele, na sungvâng liau chun, buh khâ khawm thlum tîk na theih lai.

⁸Mi nih in a kaltâk chun, va nih a bû a kaltâk mi hâwi asi.

⁹Rimthâw nih na thinlung a lâwmhtir, sikhawmsele nawknâk nih na thinlung thlangamnâk a râwk.

¹⁰Na hâwikawmh tla mawh na pa hâwikawmh hâwi tla philh lah na. Na lawksawng liauah na unau ṭangpi ding hen sâwm lah; na unau ram lât takah um mi ngâk hen na kiangah na zâwlbâwm nih a nan ṭangpi kho dauh lai.

¹¹Ka fapa, fing le, ka lâwm lai; âuzawng hawng ka simsâwitu tla chu ka sâng na lai.

¹²Theihthiamnâk nei mi nih nawknâk a hawng kal mi an muh le, anna kiang. Sikhawmsele dawnruatnâk neilo mi nih chun an tâwn sut le, a nehnûnah an lung a fâk.

¹³Mi âuzawng ramdang mi leiba lakah mawhphurhtu si ding hen â tak hen thutiamtu chu amah neih ngelchel chu a tiamh mi lakah rulh a suak lai.

¹⁴Zîngtê hen na hâwipa rangah ṭhangh hen aw-hâu fâk tak hen chibai na ti chun na hâwipa rangah siat na barh mi asi.

¹⁵Nupi râng mang chu fûr liauah tî a zut mi hâwi asi.

¹⁶Zeitin dâisip hen na siam kho awt? Thli bângtir ding na awt mi hâwi leh zut lo hen sariak kutzapai khat put na tum mi hâwi asi awt lo ma?

¹⁷Thîr chu thîr nih a hârtir mi hâwi hen, minung nih minung anna sîntir

¹⁸Theipi kûng chu bul le, a rah ei ding na tawng lai. To-aw, a pu bulsântu chu sawr a lawh lai.

¹⁹Tî lakah na mêl na muh mi hâwi hen, na thinlung khawm nangmah lîlâ nih na theih.

²⁰Minung duhnâk chu thihnâk laikulh hâwi asi. Tamtak rangah duh tâwk a um lo.

²¹Mei hen ngûn leh tangka chu nik asi le, minung minthangnâk khawm nik kho asi.

²²Thi dêng hen mi â chu vuak khawm le, a âtnâk reh ko hen na vuak kho lai lo.

²³Na dawrâ leh na ranrual chu na ti kho rirî hen zauhkhenh le,

²⁴neihnâk hi a lun awt lo ruangah. Phun tla khawm hi a um kumza ding asi lo.

²⁵Fapawn chu ât le, churawhchun fâng kûng a hawng chawrh nawlh karah belh tla ât.

²⁶Na dawrâ mul hen puan na tah kho hen, na kêl na zuar mi man hen ram na châwk kho.

²⁷Kêl a dang um rih mi tla nih, nang leh na dâwngsung, na to-awnu tla khawm nûk a nan pêk kho.