Read Bawm Chin THUFING LASUIBU 4 Bible Online

THUFING LASUIBU 4 - Bawm Chin bible

THUFING LASUIBU 4

¹Ka fapa tla, na pa nih a nan sîntir mi chu ngâi. Chu leikângah na thinlung pêk le, theihthiamnâk na nei lai.

²Ka nan sîntir mi chu a ṭha asi, churuangah a ektê hen theihkumza.

³Ngâksiatê ka si liau chun, ka nu leh ka pa nih fapa pakhat cho an ka neih mi asi,

⁴ka pa nih hawng ka sîntir. Anih nih chun, “Ka sim mi chu theihkumza le, philh rîlmâl lah. Ka nan simh mi hâwitê ti le, na nung lai.

⁵Finghnâk leh muhnâk a ting rawh! Ka sim mi thu chu philh lah le, siarlo lah.

⁶Finghnâk chu kaltâk lah, a nan hum lai; amah chu dâwt le, anih nih him tak hen a nan kilkâwi lai.

⁷Thil na ti kho mi lakah finghnâk tawng hi thil herh chem asi. Thildang zawzawng na tawng mi lakah muhnâk nei rawh.

⁸Finghnâk hi duh le, rokual tak hen a nan siam lai le, amah chu kuah le, zahkâi hen a nan siam lai.

⁹Na lallukhuh rokual asi lai,” a ti.

¹⁰Ka fapa, ka thu ngâi rawh. Sunhsak tak hen ka nan simh mi hi zûl le, na san a sâu lai.

¹¹Finghnâk leh nungnâk lam dik ka nan sîntir asi.

¹²Fing tak hen na kal asi chun na lampi khamtu a um lai lo, na tek khawmah na suih lai lo.

¹³Na sîn mi tla chu theihkumza. Na thiamnâk chu na nungnâk asi, ṭhadektê hen vêng.

¹⁴Misual kalnâk leiah kal lah. Misual umdân khawm châwng lah.

¹⁵Sualnâk ti lah le, a kiang rawh! Duh lah le, na kalnâk lampi leiah kal.

¹⁶Misual nih thil diklo an ti lân lo chu an it kho lo. Midang rangah nganfâk an pêk lo chun an it mi an meng kumza.

¹⁷Sualnâk leh veihnâk chu buh hâwi an ei le, tî hâwi hen an din.

¹⁸Mirep tla kalnâk lampi chu sûn nî a suak mi hâwi asi le, nî a hawng sâ tan tiang hen a chêu mi hâwi asi.

¹⁹Misual tla lampi chu zân hâwi a thim kumza, an tlû khawmah zei anna suih ti khawm an muh kho lo.

²⁰Ka fapa, ka thusim lakah na nâ dawnh le, ka thusim hi ngâi rawh.

²¹Thlawrhthlâu rîlmâl lah. Theihkumza le, na thinlung ah kil rawh.

²²Theihthiam mi tla âuzawng sinah nungnâk leh ṭhiselnâk a pêk lai.

²³Na thil dawn lakah a thiamthih le, na dawnnâk zia zia hen na nunchan chu a um lai.

²⁴Zei thil tal a diklo mi chu sim lah. Âwkrâwl leh ruinâk diklo thu sim lah.

²⁵Lungumnâk zumhkâi tak hen mâilei zauh le, nangmah ningzak a saih lah.

²⁶Na thiltum na ti ding mi lakah a thiamthih le, na thilti a dik vima lai.

²⁷Sual ti lah le, na mâilei ah ding zar hen kal. Lampi dik lakah mi chu kâr khat khawm pial lah.