Read Bawm Chin THUFING LASUIBU 6 Bible Online

THUFING LASUIBU 6 - Bawm Chin bible

THUFING LASUIBU 6

¹Ka fapa, midang bat mi lakah nangmah pêk ding na tiam ma?

²Nangmah thu lîlâ nih a nan tleih hen na thutiam nih thang hâwi a nan awh ma?

³Ka fapa, chu hâwi asi chun chu minung thu thu hen um mi na si rawh, sikhawmsele hi hi suak khonâk chu asi: A nan suah ding hen amah sinah va kal sâwm le, ngiar.

⁴It hen mawh a dîn salam lah.

⁵Va thang awh a suak mi leh sazuk sakahtu lakah mi a tek hâwi hen suak rawh.

⁶Mi zângzê nih chun ngerhtê umdân châwng na seh.

⁷Ngerhtê nih ruitu mawh lal mawh lâirêltu an nei lo.

⁸Sikhawmsele, ṭhalpini ah busik rangah râwl an khawng.

⁹Mi zângzê ihkhun ah a it mi chu a sâwt chiam e? Zei tik riamruam me a thawk awt?

¹⁰“Tâwm ka zâu lai rih, ka kut ka tum lai le, tâwm ka dîn lai rih,” a ti.

¹¹Sikhawmsele a it liauah pâmnâk nih meithal hen mi rawktu hâwi hen a dêng lai.

¹²Mi do-tla-lo leh misual tla chu âwkrâwl thusim hen anna sawk.

¹³Mitsîm diai hen mi an zauh le, a nan perpet ding hen kut an vei.

¹⁴Chu liauah an thinlung khung tak hen sual lei an dawn le, mun kipah nawknâk an siam.

¹⁵Churuang chun siatnâk nih simkannâk umlo thlo hen a hawng tlung lai le, thih phah rê hen liamh hen an um lai.

¹⁶Thil pasarih LALPA nih a hua hen a sâithiam lo mi a um: Zûm tak hen khua hawi, âwkrâwl thusim, thilsual tilo mi thahtu kut, thilsual dawntu thinlung, thilsual ti ding hen thathawk hen kaltu kê, âwkrâwl hen theihtu telê, mah hâwi le sinah nawknâk tuahtu.

²⁰Ka fapa, na pa nih an simh mi chu ti le, na nu sîntirnâk chu philh lah.

²¹An thu kil kumza le, na thinlung ah siah thlir.

²²Na kalnâk zawngah an sîntirnâk nih a nan rui lai le, zân ah a nan vêng lai le, sûn ah krai a nan pêk lai.

²³A nan sîntirnâk chu chêu asi le; nun a nan simh mi chu umdân ding a nan simh kho lai.

²⁴Nunau sual lakah mi a nan vêng lai le, midang nupi nih an lêmnâk lakah a nan hum lai.

²⁵Anna dawhnâk nih na lung an thawktir lah seh; an mit meng dân nih rân an tângtir lah seh.

²⁶Nunau â zuar mi sang tlang khat man hen mipa a châwk kho, sikhawmsele, ṭângdang kâitu nih a neih zawzawng a hêu lai.

²⁷Na puan kânglo hen na ṭangkâ ah mei na put kho ma?

²⁸Na kezaphah kânglo thlo hen mei tlûnah na kal kho ma?

²⁹Midang nupi ihpi chu chu hâwi hen ṭihnung a kâi, âuzawng chu hâwi titu chu a tuar lai.

³⁰Mifîr nih a sungvâng ruangah buh a fîr chun, mi nih an mawhtir chiam lo.

³¹Sikhawmsele, tleih asi chun lehsarih hen a rulh lai le, a neih zawzawng a pêk ding asi.

³²Mi ṭângdang kâi mi minung chu mifing asi lo. Amah siat leh râwknâk a ti asi.

³³Amah thang â duaitir hen vuak â tuartir le; ningzak leh mualpho kumza hen a um lai.

³⁴Pasal nih nupi a thîknâk chu thinthawknâk ngâk hen a fâk dauh; lehrûl samnâk nih a tâwk a zâwn a theih lo.

³⁵Châwilû zeikhawm a duh lo le; zei thil pêk khawm nih a thinthawknâk a lung a âwitir kho lai lo.