Read Bawm Chin LA TLA LA 1 Bible Online

LA TLA LA 1 - Bawm Chin bible

LA TLA LA 1

¹Solomon la lakah â dawh chem mi. Nunau nih

²Na mûr hen na ka châwchawk le; na dâwtnâk chu uain ngâk hen a ṭha dauh.

³Sariak rimthâw hâwi na si le; na min duhkâi tak chu theihkumza asi. Ka nan dâwtnâk lakah zei nunau khawm nih lungiam sak kho asi lo.

⁴Na sinah hawng ka put le, kan tek ving lai le; Ka lalchem hawng si le, na in kardang sungah hawng ka lûtpi. Munkhat hen kanna lâwm hen kan din lai le, thinlung tak hen a dâwt tawnhnâk kan nei lai. Nunau tla nih an duh mi a chê lo!

⁵Jerusalem mi nunau tla, ka dum, sikhawmsele, kâ dawh, ramkaro mi Kedar puanin hâwi ka dum le, sikhawmsele lalchem Solomon in ah mi puanzâr hâwi hen kâ dawh.

⁶Ka taksa langh dân lakah hawng ka zauh niam lah. Nî nih hawng ka lâk mi ruangah asi. Ka ṭapa tla ka tlûnah an thinrun le, grep dûm ah rian an ka ṭuantir. Mah a bulsân ding hen tik ka nei lo.

⁷Ka dâwt mipa, hawng ka simh. Kha zeiah na ranrual tla na tlawngtir awt? Nî sûn chir ah, zeiah anna dîn awt? Zeirangah dawrâ vêngtu dang tla ranrual nâwngah a nan hâwl ding hen ka herh êu? Mipa nih

⁸Nunau tla nih an duh chem mi mun na theih lo ma? Kal le, ranrual tla va zûl le, dawrâ vêngtu tla puanin kiangah na kêl tla rangah belh no va hâwl.

⁹Ka duhtak, nang chu, rang nunau nih Pharoa kari nûktu rang mipa rangah a thinlung a thawktir mi hâwi hen mipa thinlung thawktirtu na si.

¹⁰Na biangah mi na sam chu â dawh le, na ngâwng ah a liam mi chu lungsung hâwi asi.

¹¹Sikhawmsele na rangah ngûn chikchîn leh tangka hen thuam tla kan siam piak lai. Nunau nih

¹²Ka lalchem chu a itnâk mun ah a zâu le, ka rim thâwtnâk hen a kiang chu ka khattir.

¹³Hawng ka duhtu chu, ka ṭâng ah â ngauh liauah, murrah rimthâw a nam.

¹⁴Hawng ka duhtu chu mâng chawmpâr hâwi Engedi ah grep dûm ah mi pâr a ên mi hâwi asi. Mipa nih

¹⁵Ka duhtak, nâ dawh chiam e; na mitmeng ah dâwtnâk a lang! Nunau nih

¹⁶Ka duh chem mipa, na mêl a ṭha a; ka thinlung na lawmhtir a! Belh ring chu kan ihkhun asi lai le;

¹⁷sidar thing chu kan in kân asi lai, kan in tlûn thuanh chu far thing asi lai.