Read Bawm Chin LA TLA LA 2 Bible Online

LA TLA LA 2 - Bawm Chin bible

LA TLA LA 2

¹Kei chu Saron ah mi mâng chawmpâr leh, tlâng ah tivakuam mi lili cho ka si. Mipa nih

²Nunau lakah ka duh mi nu chu, ling nâwngah lili pâr hâwi asi. Nunau nih

³Tumun thing nâwngah apple thei a um mi hâwi hen, mipa dang lakah ka duh chem mi chu tahkhiat asi. A thlaliah lakah to ding ka duh le, a rah chu ka tem le thungâi a thlum.

⁴Puaituahnâk kardang kâu takah hawng ka kalpi le, ka tlûnah dâwtnâk puan a zâr.

⁵Grep rah châr hen hawng ka chaktir le, apple thei hen hawng ka panhlâutir! Ka duh tuk ruangah ka uai thlo.

⁶A kehlei kut hen ka lû a dawmh le, a vawrhlei kut hen hawng ka muai.

⁷Jerusalem nunau tla, thu hawng ka tiamh u; sazuk chak tak leh sakhi hen thu tiam u, kanna dâwtnâk râwk lo ding hen. Nunau nih

⁸Hawng ka dâwttu hâu ka theih. Tlâng tlûnah a hawng tek le, keimah leikâng fûk hen tlâng a hawng tan.

⁹Hawng ka duhtupa chu sakhi chaltuai leh sazuk chaltuai hâwi asi. Chunah mi kulh kiangah a dîr, langawtkawt ah â chuan le, châichêng kâk thawk hen a bih.

¹⁰Hawng ka duhtu nih ka sinah thu a sim. Mipa nih Ka duh mi, hawng rawh; ka duhtak, ka sinah hawng.

¹¹Busik khawm a len rawh le; ruah khawm a hân rawh;

¹²Pangdâr ah chawmpâr tla an ên. Tu hi lasak tik asi: Phâisen ah vaṭhu awnh hâu tla theih asi.

¹³Theipi rah tla min anna dawmh rawh; grep pâr rim a lêng. Ka duh mi, hawng rawh; ka duhtak, ka sinah hawng rawh.

¹⁴Nang chu vaṭhu lungpi kâk lakah â thup mi hâwi na si. Na mêl duhkâi hawng ka muhtir le, thinlung lâk tak mi na hâu hawng ka theihtir.

¹⁵Kâwlui tla leh a fa tla chu, kan grep pâr an râwk lânah tleih na u. Nunau nih

¹⁶Hawng ka dâwttu chu ka tâ asi le, kei khawm amah tâ ka si.

¹⁷Zînglei ah thlivir a lêng tiang leh mûi a vei tiang hen, a ranrual chu lili pâr nâwngah râwl a tlattir. Hawng kîr, ka duhtak, sazuk hâwi hen, Bether tlâng ah mi sazuk chak hâwi hen.