Read Bawm Chin LA TLA LA 3 Bible Online

LA TLA LA 3 - Bawm Chin bible

LA TLA LA 3

¹Ka ihkhun ah ka it liauah a zân peh hen it rawh, ka duh mi rangah ka mang leiah ka muh; Amah chu ka hâwl le, sikhawmsele ka tawng kho lo.

²Khuapi sungah leh khuadung leh a ken tla ah ka kal. Ka duh mi chu ka va hâwl. Ka hâwl chiam le, sikhawmsele ka tawng kho lo.

³Khuapi vêngtu khuapi sungah a suak mi tla nih an ka muh. “Hawng ka dâwttu nan muh ma?” ti hen ka deih na.

⁴Annih chu ka kaltâk na kâ hen amah chu ka tawng rawh. Ka tleih pang le, ka nu in ka suaknâk kardang sungah ka kalpi lân lo chu ka thlah rerêng lo rawh.

⁵Jerusalem nunau tla, thu hawng ka tiamh u; sazuk chak tak leh sakhi hen thu tiam u; kanna dâwtnâk râwk lo ding hen. Nunau nih

⁶Ramkaro thawk hen meikhû lungpi hâwi hen a hawng kal le, sawlehtu tla nih an zuar mi rimthâw leh murrah rim a nam vung mi zei me si?

⁷Solomon chu a laltophah tlûnah zawnh hen; Israel lakah kawrsen ṭha chem sâwmruk nih vêng bû hen a hawng kal asi.

⁸An ektê hen nâmsâu mang thiam mi; râltuknâk ah mi râlṭha tla an si. An ektê hen nâmsâu anna put le, zân ah râlvêngtu an si.

⁹Lalchem Solomon chu thing ṭha chem hen siam mi laltophah tlûnah to hen an zawnh.

¹⁰A tung tla chu tangka hen luanh mi asi le; a tlûn khuh puan chu ngûn hen thuamh mi asi. A ngauhnâk chu puan senduk asi. Duhkâi tak hen Jerusalem nunau tla nih an tah mi asi.

¹¹Zion nunau tla, hawng ule, Lalchem Solomon chu zauh u. A nupi neih ni ah a lâwm hen a lâwptlo ni ah a nu nih â khuh mi lailukhuh â khuh. Mipa nih