Read Bawm Chin LA TLA LA 5 Bible Online

LA TLA LA 5 - Bawm Chin bible

LA TLA LA 5

¹Ka lungduh, ka nupi, ka dûm ah ka lût. Ka rimthâw leh murrah ka pumh; ka khuaitizû leh a thlâr tla ka ei; uain leh nûk ka din. Nunau tla nih Hawng ka duhtu, din le ei rawh, dâwtnâk hen na khim lân lo din rawh! Nunau nih

²Ka it karah ka thinlung chu â ṭhang. Ka mang leiah hawng ka duhtu nih inkhâr a hawng kik. Mipa nih Ka duhtak, ka lung duh, ka vaṭhu, hawng ka lûttir. Ka lû chu dâmtî nih a chinh le, ka sam chu sûm nih a dâmtir. Nunau nih

³Thuam lo hen ka um le, zeirangah ka thuam nawlh êu lai? Ka kê ka ṭâwl le, zeirangah ka nâwmtir nawlh êu lai?

⁴Hawng ka dâwttupa nih inkhâr a hawng tleih le, nâi tek hen a um ti ka theih le ka thinlung a châng.

⁵Lût tir ding hen tîm chia hen ka um. Inkhâr ka awng liauah, ka kut murrah ka chulh le, murrah hâng hen ka kutdawng tla ka chulh.

⁶Hawng ka dâwttupa chu inkhâr ka awng piak le, sikhawmsele, a kal ving rawh. A aw-hâu theih ka duh a! Ka hâwl le, sikhawmsele ka tawng kho lo rawh; ka auh le, sikhawmsele hawng ka sâng mi hâu ka theih lo rawh.

⁷Khuapi vêngtu tla nih an hawng ka tawng le, an hawng ka vuak le, an hawng ka liamh; khuapi kulh vêngtu tla nih ka lukhuh an thlêk.

⁸Jerusalem nu tla, hawng ka dawttupa nan muh chun, amah duh ruangah ka uai thlo rawh ti simh ding hen ka sinah thu a tiam u. Nunau tla nih

⁹Nunau lakah â dawh chem mi nu, an dâwttupa chu midang hen â dang mazei? Nunau lakah mêlṭha chem na si. Na sinah thu kan tiamh ding hen, a thâwngthâng chu tluk a chê mi zei me um? Nunau nih

¹⁰Hawng ka dâwttupa chu a mêl a ṭha hen a chak; mi sîng khat lakah amah a ṭha chem.

¹¹A mêl a sen ak le, a tlawr dan; a sam khawm a kir that, langâk hâwi hen a sam a dum thlak.

¹²A mitmeng chu tivatê a luang mi kiangah vaṭhu â dawh dek mi hâwi asi. Vaṭhu tla chu nûk hâng hen anna khawlh le, tiva kiangah an dîr.

¹³A biang chu dum duhkâi tak belh leh rimthâw a khat mi hâwi asi. A mûr chu lili hâwi asi le, murrah hâng hen chinh asi.

¹⁴A kut tla chu a chuang le, lung sung pizung â bunh. A taksa chu sâihâ a tlawr mi lakah saphir lung an thuamh mi hâwi asi.

¹⁵A êl tla chu alasbaster tung ngûn tâwbala lakah toh mi hâwi asi. Lebanon tlâng ah sidar insâng hâwi hen a rokual.

¹⁶Châwchawk ding hen a kâ a thlum le; a umdân nih ka thinlung a tawng. Jerusalem nunau tla, Hawng ka dâwttu chu chu hâwi asi. Nunau tla nih