Read Bawm Chin LA TLA LA 6 Bible Online

LA TLA LA 6 - Bawm Chin bible

LA TLA LA 6

¹Nunau lakah â dawh chem mi, kha zeiah a nan dâwttu a kal? A nan dâwttu kalnâk lampi hawng kan simh le, churawhchun amah tawng ding hen kan ṭangpi kho lai. Nunau nih

²Hawng ka dâwttu chu a dûm ah thing rimthâw chîngnâk mun ah a kal. A dûm ah a ranrual râwl a tlattir ding hen a kal le, lili pâr a kawih.

³Hawng ka dâwttu chu ka tâ asi le, kei khawm amah tâ ka si; lili mun ah a ranrual tla râwl a tlattir. Mipa nih

⁴Ka duh mi nu, Jerusalem hâwi hen nâ dawh le, Tirzah khuapi hâwi hen duh na kâi, hi bang khuapi rokual chê tak hâwi hen.

⁵Na ka zauh mi a her ving; sal ah an hawng ka tleih. Gilead tlâng ah kêl rual anna lawk sup mi hâwi hen na sam â thing.

⁶Na hâ chu dawrâ rual tak khawlh ka mi hâwi hen a ngo. Pakhat khawm a beuh lo, an ektê hen kîm fang hen â rual zat.

⁷Na puan khuh thuam hen na biang a sen ak.

⁸Lalchem nih lalnu sâwmruk nei sele, nupisûn sâwmriat nei seh. Nungâk tla rêl lo hen!

⁹Sikhawmsele pakhat cho ka dâwt le, vaṭhu hâwi hen duh rim a kâi. A nu nih chun amah cho fanu a nei mi asi le, a nu nih a fa dâwt tak asi. Nunau zawzawng nih an zauh le, an sawr; Lalnu leh nupisûn tla nih amah sawr hen la an sak.

¹⁰A mi zauh khuadei hâwi asi mi hi âu me? Anih chu â dawh hen a chêu pap. Nî leh thlâ hâwi hen mit a ser.

¹¹Almon thing nâwngah thing keuh tla tivakuam mi zauh ding leh grep nah a chawrh thar mi zauh ding hen pomegranete pâr zauh ding hen ka va ṭum.

¹²Na ka duh mi ruangah ka tha a thir; râltuk ding hen kari khalhtu hâwi ka si. Nunau tla nih

¹³Sulam nungâk, lâm rawh, lâm rawh. Na lâm mi ka nan zauh lai. Nunau nih Zeirangah zauhtu tla tlar karah ka lâm mi zauh ding nan ka duh? Mipa nih