Read Bawm Chin LA TLA LA 8 Bible Online

LA TLA LA 8 - Bawm Chin bible

LA TLA LA 8

¹Ka nu nih a ṭângkâ ah a nan châwm mi ka unaupa si le, nang hi ka nan duh. Churawhchun, tualmâi ah ka nan tawng khawmah ka nan châwchawk kho rerêng, âukhawm nih pawi an ti ding asi lo.

²Ka nu in ah ka nan kalpi lai, chunah chun dâwtnâk na ka sîntir ding hen. Ka uain rimthâw ka nan pêk lai le, ka pomegranate hâng ka nan dintir lai.

³Na kehlei kut hen ka lû na dawmh le, na vawrhlei kut hen na hawng ka muai.

⁴Jerusalem nunau tla, kanna dâwtnâk nawktir lo ding hen thu ka sinah a tiam u. Nunau tla nih

⁵Âu me si ramkaro thawk hen a dâwttu hen kutsih bû hen an hawng mi khi. Nunau nih Apple thing tangah na suaknâk mun ah kan nan ṭhangh.

⁶Mikip duhlo ding hen na thinlung khâr le, keimah lâwng hawng ka duh, keimah lo chu âukhawm na kut hen sih lah na. Dâwtnâk chu thihnâk hâwi hen thil a ti kho le, duhnâk chu thihnâk hâwi ber hen a chak. Meialh a hawng suak le, mei a tlân mi hâwi hen a kâng.

⁷Tî khawm nih a mih kho lo; tîlian tla khawm nih a neh kho lo. Âuzawng nih a neihnâk hen dâwtnâk châwk a tum chun, zauhnawmh a tawng salam lai. Nunau ṭapa tla

⁸Farnu nungâk notê kan nei le, a nûk a bawm cho rih. Tlangvâl nih an hawng helh tikah a rangah zei kan ti lai?

⁹Anih chu kulh dâi asi chun, tangka insâng ah kan sak lai. Sikhawmsele anih chu kulh kawtkâ asi chun, sidar thing hen kan kulh lai. Nunau nih

¹⁰Kei chu kulh ka si le, ka nûk tla chu a insâng tla an si. Hawng ka dâwttupa nih a lakah lungâwinâk leh thlangamnâk ka nei mi a theih ko. Mipa nih

¹¹Solomon nih Baal Hamon an ti mi mun ah grep dûm a nei. Phâisen neitu tla nih a sinah siah an châwi le, minung pakhat nih tangka sâng vima an pêk.

¹²Solomon chu sâng tangka lakah â lâwm le, phâisen neitu tla sinah zanih tingvo a siam. Kei khawm nih grep dûm ka nei bâk!

¹³Ka dâwt mi, dûm thawk hen na hâu hawng ka theihtir; ka hâwi tla nih na thusim theih ding hen an bawh ko. Nunau nih

¹⁴Hawng ka dâwttu, rimthâw khonâk tlâng ah sazuk leh sakhi chal tuai hâwi hen ka sinah hawng rawh.