Read Bawm Chin ISAI 31 Bible Online

ISAI 31 - Bawm Chin bible

ISAI 31

¹Aigupta ah ṭangpi ding sâwm hen va kaltu tla chu an vân a duai! Aigupta râltuk kawrsen tamtak chaknâk rang tla, kari tla leh, kawrsen lakah anna ngauh. LALPA, Israel Pathian thenhlimh lakah a ngauh hen a sinah ṭangpi an deih lo.

²Thil a ti mi chu amah nih a theih! Siatnâk a tlungtir. Misual tla leh anmah ṭangpitu chu rêp ding hen a ṭhih na.

³Aigupta mi tla chu pathian tla an si lo, minung cho an si. An rang tla chu chung vân lei mi an si lêm lo. LALPA nih thil a hawng ti tik chun phun chak chu a râwk dep lai le, phun chak lo a ṭangpi mi khawm a tlû lai. An panih hen an vei lai.

⁴LALPA nih ka sinah, Dawrâpu chu zei ti tal âu hen râk khawmsele, chakeibaknei nih ran a seh mi chu a hum kho lo; chu hâwi hen LALPA Zeizawng tikho nih Zion Tlâng ka hum ding mi chu hawng ka khap khotu zeikhawm a um loh.

⁵Va nih a bû lakah mi a fa a vêng mi hâwi hen, kei, LALPA Zeizawng tikhotu nih, Jerusalem chu ka hum hen ka vêng awt asi,” a ti.

⁶LALPA nih, “Israel mi tla, ka lakah thilsual nan ti hen nan ka do asi. Sikhawmsele tuah ka sinah hawng kîr u!

⁷Tangka leh ngûn hen milem sual tak nan siam mi lawnh hep ding tik a hawng tlung awt rawh.

⁸Asiria chu tuknâk lakah veih hen a um lai le, sikhawmsele minung thiltikhonâk hen asi lai lo. Asiria mi tla chu râltuknâk lakah mi chu an tek lai le, an tlangvâl tla chu sal ah siam an si lai.

⁹An ram lal lianchem chu ningṭih hen a tek lai le, an hotu tla chu an lâu tuk ruangah an râltuk puanzâr tla an tektâk lai,” a ti. Chu chu LALPA Jerusalem ah an sawnh mi leh chunah bâwlnâk ah a mei alh kumza mi nih a sim mi asi.