Read Bawm Chin ISAI 35 Bible Online

ISAI 35 - Bawm Chin bible

ISAI 35

¹Ramkaro chu â lâwm lai le, chawmpâr tla chu Ramkaro ah an ên lai.

²Ramkaro chu lâwm hen la sak hen a âu lai le, Lebanon tlang â dawh mi hâwi leh Saron leh Karmel phâisen a ningno mi hâwi asi lai. Mikip nih LALPA lianh zia leh rokual zia leh thiltikhonâk an muh lai.

³Kut a zê mi rangah chaknâk pêk le, khûp chaklo thir mi sin khawmah chaknâk pêk.

⁴Mi lungdawng kip sinah chun, Chak tak hen um le, ṭih lâh! Pathian chu nangmah ruangsuah ding leh na mêlma tla rêp ding hen a hawng,” ti hen simh na u.

⁵Mitchâw nih a muh kho lai le, nasêt khawm nih a theih lai. rawh.

⁶Kekhêng chu a lawk hen a lâm lai le, mi hawlh kho lo chu lâwm ruangah a âu lai. Ramkaro ah tiva tla an luang lai le,

⁷valeidip a kâng mi tla chu tili ah â chang lai le, ram châr chu tinungva hen a khat lai. Kâwlui umnâk mun ah belh leh lâiluang tla an kho lai.

⁸Chunah chun lamlian, “Thenhlimhnâk lampi” an ti mi a um lai. Chu lampi ah chun misual âukhawm an kal lai lo; lampi ah kal mi chu mi â tla khawm an vâi lai lo.

⁹Chunah chun chakeibaknei tla an um lai lo le, sarâng tla khawm chu lampi ah a kal lai lo. LALPA nih ruang a suah na mi tla nih in lei kalnâk lampi ah an mang lai.

¹⁰Jerusalem chu lâwm bû hen an va tleng lai le, la an sak lai le, lâwm ruangah an âu lai. Anna lâwm kumza lai le, ngaihsiat leh lungzûrnâk kumleza hen an nei lai lo rawh.