Read Bawm Chin LEVITICUS 11 Bible Online

LEVITICUS 11 - Bawm Chin bible

LEVITICUS 11

¹LALPA nih Mosi leh Aron chu,

²Israel mi tla rangah hi bang dân tla hi a pêk na. Ran lakah

³a tin kâk mi leh a râwl dawlh hen a khai nawlh mi vial chu nan ei kho lai.

⁴Sikhawmsele, sangâwngsâu, sairem, leh zungnampî tla nan ei ding asi lo. Thianglo hen ngaih ding an si, an râwl dawlh chu an khai nawlh le, khawmsele an tin a kâk lo ruangah.

⁷Vawksa ei lah u; thianglo hen ngaih ding an si, an tin chu a kâk le, an râwl dawlh an khai lo.

⁸Nan ei ding asi lo, a ruak khawm nan tawngh ding asi lo, thianglo hen ngaih mi an si.

⁹Ngâ a zeitin mi tal a mei phar leh a hir a um mi chu nan ei kho lai.

¹⁰Sikhawmsele tî lakah ngâ rerêng a mei phar leh a hir a um lo mi chu nan ei ding asi lo.

¹¹Chubang thilsiam tla chu thianglo a ngaih asi, nan ei ding asi lo, a thi mi khawm nan tawngh ding asi lo.

¹²Zeital tî lakah a um mi, a mei phar leh a hir umlo mi chu nan ei ding asi lo.

¹³Hi bang vâ tla hi nan ei ding asi lo, murâ, sûmbuh, kâitê, thlakâwi, sûmbuhsialkinei, ruaklâwmmu, langâk; vachâ, tivarak, ngaihkuangrâl, lili âr, varakmûrsâu, tipi vâ, vasuangtuar leh balâk tla an si.

²⁰Ran nung thla nei zawzawng an thianglo,

²¹a per zât lo chu.

²²Khâubawk, khuangbâi, khâuchangbawk tla nan ei kho lai.

²³Sikhawmsele, thil dang a mê mi zât murui chu thil nâwm ah ngaih asi.

²⁴Hi bang ran ruak tawnghtu tla chu zânlei tiang hen thianglo ah ngaih asi lai. Ran zawzawng a tin kâk lo mi an râwl dawlh an khâi mi leh ran kê pâli nei khawm thianglo ah ngaih asi. Âuzawng an ruak nan put chun nan nipuan suk ngelchel ding, khawmsele zânlei tiang thianglo hen ngaih an si lai.

²⁹Zubui, zungnam, châichîm, sanhtang tla chu thianglo hen ngaih an si.

³¹Chubang tla ruak tawnghtu chu zânlei tiang thianglo hen ngaih an si lai.

³²An ruak tla nih zeital a tawngh chun thianglo hen ngaih asi. Chu umzia chu zei thil tal, thing, nipuan, savun, salâ, mang mi thil rerêng chu mang thianglo tinâk asi. Tî lakah zânlei tiang nîm ding asi, sikhawmsele zânlei tiang thianglo hen ngaih asi lai.

³³An ruak tla chu tualbêl sungah a tlâ chun, bêl sungah mi chu a nâwm hep rawh, a bêl chu nan khuai ding asi.

³⁴Thil ei kho zeital, chu bêl lakah mi tî tawih asi chun thianglo hen ngaih asi. Din mi thil zeital chu bêl lakah mi chu thianglo hen ngaih asi.

³⁵Chu ruak tla nih a denh mi chu thianglo hen ngaih asi; tual lungthu mawh tappi chu râwk ding asi.

³⁶Sikhawmsele tikhur mawh, tipang mawh chu thiang asi, an ruak nih a tawngh mi chu thianglo ah ngaih asi.

³⁷Zei chî tal tuh ding mi ruak nih a denh chun, thiang hen ngaih asi.

³⁸Sikhawmsele, thlâi chî chu tî lakah an chiah mi lakah a tlâ chun, thlâi chî chu thianglo ah ngaih asi.

³⁹Ran ei kho mi zât a thi mi tawnghtu chu nî tlâk tiang thianglo ah ngaih asi.

⁴⁰Mi nih a sa a ei asi chun a puan a suk lai le, zânlei tiang thianglo ah ngaih asi lai. A ruak puttu chu a nipuan a suk lai le, amah chu nî tlâk thianglo ah ngaih asi lai.

⁴¹Ran nung tênâu, tual ah vâk mi tla nan ei ding asi lo,

⁴²a vâk hen an vâk mi mawh an kê pali hen an kal mi mawh, kê tamtak a nei mi khawm.

⁴³Hi bang tla ei hen a nawmhtir lah.

⁴⁴Kei, LALPA, nan Pathian ka si, keimah ka thenhlimh ruangah nanna thenhlimh tir ding asi.

⁴⁵Kei, Aigupta ram ah mi an suakpi natu ka si, churuangah nan Pathian ka si. Keimah ka thenhlimh ruangah nanna thenhlimh ding asi.

⁴⁶Hi vial hi ran leh vâ leikâng thu ah, tî lakah a um mi leh tual tlûnah a châng kho mi zawng leikâng thu ah dân asi.

⁴⁷Dân lakah a thenhlimh mi leh thenhlimh lo thiamthih tak hen nan thlei ding asi, ran ei kho mi leh ei kholo mi zât lak khawmah.