Read Bawm Chin JEREMIA 47 Bible Online

JEREMIA 47 - Bawm Chin bible

JEREMIA 47

¹Aigupta lal nih Gaza a do lânah, LALPA nih ka sinah Philistia mi tla thu a sim.

²Anih nih, “Zauhnik! Mârlei ah tî a lian le, tîlian hâwi hen a hawng luang lai. Ram leh a tlûnah thil um tla, khuapi tla leh minung a sungah um mi tla a khuh hep lai. Mi tla chu ṭangpi deih hen an âu lai le, tual tlûnah mikip ngaihsia hen an ṭap lai.

³Rang kal hâu tla, kari kal hâu tla, kari kê awnh hâu tla an theih lai. Pa tla chu an fa tla leiah anna her lai lo; an kut tla an thlâi thlo lai.

⁴Philistia mi tla veih na ding hen, Tura leh Sidon hen anna tlâinâk leh ṭangpi tâwnh hen an umnâk chu sahnâk tik a tlung rawh. Philistia mi tla, Kret va nâ lei hen hawng mi tla chu, Kei, LALPA nih ka veih na awt.

⁵Gaza mi tla sinah ngaihsiatnâk rokual tak a hawng tlung, Askelon mi tla chu an dâisip. Philistia um rih mi tla nih zeitiang an ulh awt?

⁶‘LALPA nâmsâu! Zeitiang na vei awt? Na pâi ah kîr le, chunah chun um le, a dîn rawh,’ ti hen na âu.

⁷Sikhawmsele, ti ding hen rianṭuannâk ka pêk mi, zeitin â dîn kho lai? Askelon leh tipi kap ah um mi tla chu do ding hen thu ka pêk rawh,” a ti.