Read Bawm Chin EZEKIEL 15 Bible Online

EZEKIEL 15 - Bawm Chin bible

EZEKIEL 15

¹LALPA nih ka sinah thu a sim.

²“Thikho mi minung, zeitin grep zûn chu thing hen tahṭhimh asi zia? Grep zûn ṭeng hen tumun thing tla tahṭhimh chu zei a ṭhatvaknâk a um?

³Zei thil tal siam ding hen na mang kho ma? Thil bahnâk chu hen na siam kho ma?

⁴Mei lakah tih ding cho ah a ṭha. Khatlei khatlei dawng mei nih a khangh chun a lâi chu a ût le, chu hen zei thil tal na siam kho ma?

⁵A kâng lân khawmah mangtlâk asi lo. Tuah mei nih a khangh hen a ût nûn châng chun mangtlâk asi lo khun,” a ti.

⁶Tuah hi hi LALPA Zahkâi thusim asi, “Tumun ah mi grep zûn lâk hen an duah mi hâwi hen, Jerusalem ah um mi tla chu ka lâk na lai le, ka rêp na awt.

⁷Mei lakah mi veikhat chu an âwl le, sikhawmsele tuah mi mei nih a khangh na lai. Ka rêp na tikah LALPA ka si zia nan theih lai.

⁸Ka lakah zumh an kâi lo le, churuangah ram chu a karo hen ka siam awt,” a ti. LALPA Zahkâi nih a sim asi.