Read Bawm Chin EZEKIEL 42 Bible Online

EZEKIEL 42 - Bawm Chin bible

EZEKIEL 42

¹Churawhchun, chu minung nih chun kawtkâ lênglei ah hawng ka kalpi le, Biakin thlanglei kâng dawng ah mi in thawk hen lât chiam lo ah Biakin marlei kâng sîrah mi in lakah hawng ka kalpi.

²Chu in chu a sâu lei feet 168, a kauh lei feet 84 asi.

³Sîr khat nih chun mun lâwng feet 34 Biakin sîr lei a mi a hawih le, sîr khat dang nih lênglei mi kulh phah lei a hawih. Chan rang hen chuanh thum hen sak asi le, a tangah mi ngâk hen a tlûnlei kângah mi chu a sâng dauh hep.

⁴Chu in marlei kâng sîrah chun latnâk a um le, a kauh lei chu feet 16, a sâu lei chu feet 168, chu lei sîrah mi tualmâi hen.

⁵A lâi mi leh a tang dauh mi chuanh kardang chu a sâng dauh ruangah a tlûn dauh mi in chuanh kardang tla chu a bî dauh.

⁶Chu chuanh thum lakah in kardang tla chu hawrkuang chawh mi tlûnah tauh asi le, kulh sungah mi in dang hâwi hen a tung nih a dirh kalh mi asi lo.

⁷A tang dauh chuanh ah mi in a lênglei vâm chu sakhat hen a dung feet 84 asi; chu feet 84 lakah chun kardang tla a um. A tlûn chem mi chuanh lakah chun in dung tluan hen kardang tla a um.

⁹Hi kardang panih tanglei kângah in sak leikâng dawng ah vâm a umnâk ram ah kulh lênglei ah tualmâi a um. Biakin simlei kâng sîrah Biakin thlang leikâng dawng ah mi in lât chiam lo ah chu hâwitê mi in pakhat a um.

¹¹Chu kardang tualmâi ah chun marlei sîrah pakhat hâwitê hen latnâk a um, a lianh dân â bang cho, a sak dân khawm â bang cho.

¹²In simlei kâng sîrah vâm dawnghnâk kardang tla tangah inkhâr a um.

¹³Chu minung nih ka sinah, “Hi in tla hi a thenhlimh vevê. Chu sungah bâwlpu LALPA mâika ah va lûttu tlâ nih thil ap thenhlimh chem tla an ei. Chu kardang tla chu a thenhlimh ruangah bâwlpu tla nih thil ap thenhlimh chem, sangvut leh sualnâk ruangah bâwlnâk thil ap mawh, rulhnawlhnâk thil ap an ap lai.

¹⁴Bâwlpu tla Biakin sungah mi chu kulh lênglei ah suak ding an duh mi asi chun, LALPA rianṭuan liauah anna aih mi nipuan thenhlimh chu kardang sungah an siah ding asi. Lênglei ah zapi pumhnâk ah an va suak lânah nipuan dang anna aih ding asi,” a ti.

¹⁵Chu minung nih Biakin sung tla a tah rawh chun saklei mi kulh kawtkâ ah hawng ka suakpi le, lênglei mi mun a tah.

¹⁶Tahnâk fung chu a lâk le, sak leikâng a tah le, feet 840 asi.

¹⁷Marlei kâng sîr, simlei kâng sîr, thlanglei kâng sîr a tah le, a sîr kip chu chan rang hen feet 840 hep asi.

²⁰Churawhchun vâm chu kil li a sîr chan rang hen metre 250 asi. Chu vâm nih chun a thenhlimh lonâk mun leh a thenhlimhnâk mun a dang asi.