Read Bawm Chin EZEKIEL 43 Bible Online

EZEKIEL 43 - Bawm Chin bible

EZEKIEL 43

¹Chu minung nih saklei kâng a hawih mi kawtkâ ah hawng ka kalpi le,

²chunah chun Israel Pathian umpinâk chêu chu mitser rê mi saklei thawk hen a hawng kal mi ka muh. Pathian hâu chu tipi hâu hâwi hen a suak le, mit ser rê mi chêu nih tual chu a cherh.

³Hi muhnâk hi Jerusalem râwk ding hen Pathian a hawng kal liauah ka muh mi leh Kebar tiva kap ah ka muh mi hen â bang. Churawhchun a bawkbukhup hen tual ah ka bawk rawh.

⁴Mitser rê mi chêu chu saklei mi kawtkâ lan dak hen Biakin sung a cherh khet.

⁵LALPA thlarau nih hawng ka châwi le, kulh sungah hawng ka kalpi le, chunah chun LALPA rokualnâk hen, Biakin a khat mi ka muh.

⁶Chunah chun minung chu ka sîrah a dîr le, Biakin thawk hen LALPA nih thu hawng ka simh mi ka theih.

⁷“Thikho mi minung, hinah hin ka laltophah a um, hinah Israel mi tla sinah ka um lai le, an tlûnah lâi ka rêl kumza lai rawh. Israel mi tla khawm nih, an lal tla khawm nih pathian dang tla sawnh hen mawh, an lal tla ruak vûi hen mawh hi mun ah hin ka min thenhlimh an mualphotir lai lo rawh.

⁸Lal tla nih ka Biakin kawtkâ leh inkhâr tung ram chirah an kawtkâ leh an inkhâr tung tla an siam, kanna kar chu vâm cho nih hawng kan dang ding hen thil fihnungkâi an ti mi zawzawng hen ka min thenhlimh chu an mualphotir le, churuang chun ka thinthawknâk hen ka veih na.

⁹Tu lam chun pathian dang an sawnh mi khawm an bâng hen an lal tla ruak khawm lawnh asi lai rawh. Chu hâwi an ti chun an sinah ka um kumza lai,” a ti.

¹⁰LALPA nih thu a sim vima le, “Thikho mi minung, Israel mi tla chu Biakin thu simh na le, a thiltum khawm sîntir na. An thilti sual lakah ningzak saih na.

¹¹Thil an ti mi lakah an ningzak asi chun, Biakin thu simhfiang na: a umdân, a tualmâi leh suaknâk kawtkâ, a mêl, thil zawzawng timhtuah mi leh a dân leh ti ding dân. An rangah hi hi rîn piak ver na le, thil zeizawng timhtuah mi tla an muh hen dân zawzawng an zûl khonâk ding hen.

¹²Hi hi Biakin dân tla chu asi: Tlâng sâng tlûn kiangkam zawzawng chu mun thenhlimh hep asi,” a ti.

¹³Hi bang tla hi mâichâm tahnâk asi, Biakin tahnâk hâwitê hen tahnâk an mang mi asi. Mâichâm tonâk kiangkam zawzawng chu tîlu hawr a um le, a thûk lei chu inchi 20 asi, a kauh lei khawm inchi 20, a lênglei mi tlâng sîr sâng dân chu inchi 10 asi.

¹⁴Mâichâm phûr chu tohnâk thawk hen feet 4 hen a sâng. A sangtu chu a tlâng thawk hen hêl dak hen inchi 20 asi, a sânglei chu feet 7 asi. Chu nûnah chun mun dang a tlâng hêl dak hen inchi 20 an siam fâwn.

¹⁵Mâichâm tlûn bâwlnâk duahnâk chu feet 7 sâng asi. A ki pali lakah a fawng tla chu mâichâm tlûn ngâk hen a sâng dauh.

¹⁶Mâichâm tlûn chu kil li asi le, a sîr chu feet 20 hep asi.

¹⁷A lâi ram khawm kil li asi, a sîr kip feet 24 asi le, a tlâng sîr chu inchi 10 hen a sâng. (A hawrkuang chu inchi 20 hen a kâu.) Mâichâm kâinâk bak chu saklei sîrah a um.

¹⁸LALPA Zahkâi nih ka sinah, “Thikho mi minung, thu ka nan simh mi ngâi. Mâichâm siam asi rawh chun, a tlûnah bâwlnâk duah hen leh bâwlnâk ran thî a tlûnah theh hen nan ap ding asi.

¹⁹Bâwlpu si mi tla, Zadok thlâk cho ka mâika ah rianṭuan ding hen an hawng ding asi. Kei, LALPA Zahkâi nih hi hi thu ka pêk mi asi. Sual bâwlnâk dingah chawchal tuai nan pêk ding asi.

²⁰A thisen nan lâk lai le, mâichâm tlûnah a ki ah mi fawng tla nan buaih lai le, mâichâm ki a lâi tla khawm nan buaih lai le, a tlâng sîr hêl dak hen nan buaih ding. Hi hâwi hen mâichâm chu nan thenhlimhtir hen nan thiangtir ding asi.

²¹Chawchal sual bâwlnâk ah nan ap mi chu nan put lai le, Biakin lênglei ah mun ruat bîk mi lakah nan duah ding asi.

²²A thâituan ah kêl chal sâwinâk umlo mi nan put lai le, sual bâwlnâk ah nan ap lai. Chawchal hen nan ti mi hâwitê hen a thisen hen mâichâm chu thiangtir u.

²³Chu chu nan ti thluh rawh chun, chawchal tuai leh dawrâ chal tuai an panih hen sâwinâk umlo mi ka sinah hawng put u.

²⁴Bâwlpu nih an tlûnah chitê a theh lai le, ka sinah ap hen a duah lai.

²⁵Ni sarih kar nisiar hen kêl chal pakhat, chawchal pakhat leh dawrâ chal pakhat sual bâwlnâk ah nan ap ding asi. An ektê hen sâwinâk umlo mi an si ding asi.

²⁶Ni sarih kar chu bâwlpu tla nih mâichâm thenhlimhtir hen mang sek ding hen an timhtuah ding asi.

²⁷Chu zarhkar chu a lîm rawh chun bâwlpu tla nih, duahphung thil ap zapi kawmhnâk thil ap anna dawmh ding asi. Churawhchun nan ektê tlûnah ka lâwm lai rawh. Kei, LALPA Zahkâi nih ka sim asi,” a ti.