Read Bawm Chin HOSEA 12 Bible Online

HOSEA 12 - Bawm Chin bible

HOSEA 12

¹Israel tla nih zîngtê thawk hen zân tiang an ti mi chu thil mang tlâk lo leh siatnâk asi. Zumhkâilonâk leh siatnâk thilti an lakah a pung. Asiria mi tla leh Aigupta mi tla hen saw anna leh tawnh,” a ti.

²LALPA nih Juda le tlûnah sâwinâk a nei; Israel khawm thilsual an ti ruangah a rêp na awt. An thilti man a pêk na awt.

³An thlâktu Jakob nih fa phîr a suakpi mi a unaupa Esau rangah an nu paw sungah an um liauah a sualpi le, Jakob chu a lian nûnah Pathian a sualpi--

⁴vânmifial a sualpi le a neh, a ṭap le, malsâwmnâk a ngiar. Bethel ah hawng kan thlâktu Jakob sinah Pathian a kal le, a sawnh.

⁵Chu chu LALPA Pathian zeizawng tikho a min chu sawnh ding mi LALPA chu asi.

⁶Churuangah Jakob thlâk tla, tuah nan Pathian chu rinhsanh ule, a sinah kîr u. Zumhkâi leh rep tak hen um ule, nan Pathian nih thilti ding mi dawnh kho tak hen ngâk rarâm u.

⁷LALPA nih, “Israel mi tla chu Kanaan mi tla hâwi hen zumh an kâi lo; khîng diklo hen an sinah thil châwktu tla chu pêk an mang.

⁸‘Kan nei asi,’ an ti. ‘Kan vân a ṭha, âukhawm nih kan neih hi tawng dân dik asi lo ti hen hawng kan sâwi lai lo, an ti.

⁹Sikhawmsele, kei, LALPA nan Pathian Aigupta ram thawk hen an suakpi natu nih ramkaro ah nan sinah ka hawng liau mi hâwi hen puanin ah kan umtir na awt.

¹⁰“Khuavâng tla sinah thu ka sim le, langhnâk tamtak ka muhtir na le, chu khuavâng tla mang hen ka mi tla chu simhkannâk ka pêk na.

¹¹Sikhawmsele, Gilead ah milem tla an sawnh le, chubang sawnhtu tla chu an thi ding asi. Chawchal tla chu bâwlnâk ah Gilead ah an mang le, chu phâisen ah mi mâichâm tla chu lung pawng salam ah â chang lai,” a ti.

¹²Hawng kan thlâktu Jakob chu Mesopotamia ram ah nupi nei ding hen a tek le, midang rangah rianṭuan hen dawrâ a zauhkhenh piak.

¹³LALPA nih Israel mi tla Aigupta ram ah sal ah an tâng mi chu suah na ding leh vêng na ding hen khuavâng a fial.

¹⁴Israel mi tla nih LALPA chu fâk tak hen a thin an runtir le; an mawhnâk chu thih phah rê ding tluk asi. LALPA rangah ningzak an saih ruangah anmah a rêp na lai.