Read Bawm Chin JONA 1 Bible Online

JONA 1 - Bawm Chin bible

JONA 1

¹Ni khat chu Amitai fapa Jona sinah LALPA nih thu a sim.

²LALPA nih, “Ninevi khuapi rokual tak ah kal le, sâwi hen thu va sim le, chunah minung sual zia tla chu ka theih asi,” a ti.

³Sikhawmsele Jona chu LALPA mâika ah mi chu tek ving ding hen Joppa khua ah a va kal le, Spain leiah kal ding mi lawng a tawng. Kal man a pêk le, lawng dâwngpu tla sinah a lût rawh.

⁴Sikhawmsele LALPA nih tipi tlûnah thlipi fâk tak a rângtir le, chu thli chu a fâk tuk ruangah lawng râwk ding rê hen ṭihnung a kâi.

⁵Lawngpu tla chu an lâu le, mah pathian chiau sinah ṭangpi deih hen an âu, ṭihnungkâi mi chu a ṭha dauh lai mawh ti hen lawng sungah mi thil chu an lawnh. Jona lam chu chu liauah lawng tanglei ah a kal le, itmû thaw tak hen a it.

⁶Lawng hotu nih a va muh le, a sinah, “Zeitin itmû thaw tak hen na it zia? Thawk le na pathian sinah ṭangpi deih hen thlacham, hawng kan lungkham hen kan nungnâk a zuah kekkawk lai mawh,” a ti.

⁷Churawhchun lawng dawngpu tla chu thu anna ruah tawnh le, “Hi ṭihnungkâi umtirtu theih ding hen chamchawhnâk kan siam lai,” an ti. Chu hâwi hen an ti le, Jona tlûnah a tlâ.

⁸Churawhchun a sinah, “Tuhin hi lakah hin na mawh ma? Hawng kan simh! Hinah zei na hawng ti? Zei ram thawk hen hawng mi me na si? Zei minung na si?” an ti.

⁹Jona nih a sâng le, “Hebrai mi ka si, tual leh tipi siamtu vân Pathian LALPA sawnhtu ka si,” a ti.

¹⁰Jona nih LALPA sinah mi a tek mi tla a sim vima. Lawngpu tla chu thungâi an ṭih le, a sinah, “Chu chu thil ṭihnungkâi tak asi!

¹¹Thli chu a fâk dadauh le, churawhchun lawngpu tla nih a sinah, “Thli bâng ding hen zeitin kan ti lai rawh ne,” ti hen an deih.

¹²Jona nih a sâng le, “Tipi ah hawng ka lawnh ule, a reh ko lai, hi thli ṭihnungkâi nan tawng mi hi keimah sual ruangah asi ti ka theih,” a ti.

¹³Chu hâwi tilo hen lawngpu tla chu vakap leiah an chelh ri hen kal ding hen an vai le, sikhawmsele thli chu a fâk dadauh le, a mahmun nget ah a um.

¹⁴Churawhchun LALPA an auh le, LALPA hi minung thih ruang hin hawng kan rêp lah, LALPA, hi bang zawzawng hi a titu nangmah na si ruangah mawhphurh rawh,” an ti.

¹⁵Churawhchun Jona chu an châwi le, tipi ah an lawnh rawh, chu kâ hen thli chu a bâng sawm rawh.

¹⁶Chu nih chun lawngpu tla chu thungâi LALPA ṭih phahnâk an mang le, amah sinah bâwlnâk ap ding leh sawnh rawh ding hen thu an tiamh.

¹⁷LALPA thupêk hen nga lian tak nih Jona chu a dawlh le, nga paw sungah ni thum leh zân thum a um.