Read Bawm Chin JONA 2 Bible Online

JONA 2 - Bawm Chin bible

JONA 2

¹Jona chu nga pawsung thawk hen LALPA a Pathian sinah thla a cham:

²“LALPA, ka lawksawng ruangah ka nan auh mi hi, nangnih hawng ka sâng rawh. Laikulh thihnâk thûk tak thawk hen ṭangpi deih hen ka âu le, nangnih hawng ka ngâi piak.

³Nangnih tipi taw ah hawng ka lawnh le, tî zawzawng nih hawng ka kulh dak le, na thiltikhonâk tîlian chu ka tlûnah a hawng luang.

⁴Na mâika ah mi chu vei rawh hen, na Biakin thenhlimh chu muhlo rawh ding hen ka ruat.

⁵Tî nih hawng ka khuh le, hawng ka denh le, tipi belh tla nih ka lû a tuam pang.

⁶Tlâng bul chirah a kulh kawtkâ khâr kumzanâk sungah ka va kal. Sikhawmsele, nang LALPA, ka Pathian nih tî sungah mi a nung hen na ka thûak nawlh.

⁷Ka nungnâk hi vei ving rawh hen ka theih le, churawhchun na sinah LALPA, thla ka cham. Na Biakin thenhlimh ah na ka ngâi piak.

⁸Milem zeikhawm silo mi sawnhtu tla nih chun na sinah zumhkâinâk chu an thlâu rawh.

⁹Sikhawmsele kei chu nangmah sawr hen la ka sak lai le, bâwlnâk na sinah ka pêk lai le, ka thutiam chu ka ti lai. Ruangsuahnâk chu LALPA thawk hen a hawng!” a ti.

¹⁰Churawhchun LALPA nih nga chu Jona va sâk ding hen thu a pêk le, vakap ah a sâk rawh.