Read Bawm Chin NUMBER 1 Bible Online

NUMBER 1 - Bawm Chin bible

NUMBER 1

¹Israel tla nih Aigupta an suaktâk nûnah a kum nihnâk a thla nihnâk a ni khat ni ah Sinai Ramkaro ah Pathian umnâk Puanin ah LALPA nih Mosi sinah thu a sim.

²“Nang leh Aron nih Israel mi tla chu an chi leh an dâwngsungkhur umdân hâwi hen minung rêlnâk nei u. Mipa kum kul mi leh

³kum kul tlûnlei mi râltuktu kawrsen rangah â tâwk mi min zawzawng rîn ver u.

⁴Phun kip lakah mi a lû dauh an ṭangpi na ding hen deih na u,” a ti.

⁵Hi bang tla hi anmah phun lakah mi ruitu hi rianṭuan ding hen zapi minung thawk hen thîm mi tla chu an si: [Phun] — [Chikhat lakâh a lû dauh] Reuben Sedeur — fapa Elizur Simeon Zurisadai — fapa Selumiel Juda Aminadab — fapa Nason Isakar Zuar — fapa Nethanel Zebulun Helon — fapa Eliab Efraim Amihud — fapa Elisama Manaseh Pedazur — fapa Gamaliel Benjamin Gideoni — fapa Abidan Dan Amisadai — fapa Ahiezer Aser Okran — fapa Pagiel Gad Deuel — fapa Eliasap Naphtali Enan — fapa Ahira

¹⁷Hi minung leinih tla nih ṭangpi hen, mi zapi zawzawng tla chu a thla nihnâk a ni khat ni ah

¹⁸Mosi leh Aron nih an pumh hep na le, anmah chi leh dâwngsungkhur dân hâwi hen lasuibu ah an rîn le an luh. Mipa kum kul leh a tlûnlei mi tla chu an rêl le,

¹⁹LALPA thupêk hâwi hen an rîn hep. Sinai Ramkaro ah Mosi nih mi zapi tla chu a rîn hep na rawh.

²⁰Mipa fa kum kul tlûnlei mi, kawrsen râltuk ah lût kho ding mi tla chu an chi leh an dâwngsung zia hâwi hen Reuben, Jakob fapa upachem mi thawk a dawmh hen an min a rîn hep na. An fawnh mi tla chu hi hâwi asi: [Phun] — [Minung zat] Reuben — 46,500 Simeon — 59,300 Gad — 45,650 Juda — 74,600 Isakar — 54,400 Zebulun — 57,400 Efraim — 40,500 Manaseh — 32,200 Benjamin — 35,400 Dan — 62,700 Aser — 41,500 Naphtali — 53,400 A ektê fawnh hen: — 603,550

⁴⁷Levi phun chu phun dang tla lakah rîn sih asi lo,

⁴⁸LALPA nih Mosi sinah,

⁴⁹“Râltuk kal ding mi minung nan rîn na tikah Levi phun chu telh lah na u,” a ti ruangah.

⁵⁰Chu ngâk chun Levi phun chu LALPA umnâk Puanin leh a thuamthil lakah hotu an si ding asi. A thuamthil tla an put lai le, chu lakah rian an ṭuan lai le, chu lakah riaknâk mun an siam lai.

⁵¹An um mun an ṭhial chun, Levi tla nih Puanin chu an lâwm lai le, um mun an khuar thar mi lakah an dirh nawlh vima ding asi. Âuzawng chu Puanin naihtu chu thah ding asi.

⁵²Israel mi lakah midang vial nih mun an khuar lai le, a murui a murui hen, mikip mah murui puanzâr tangah um ding asi.

⁵³Levi murui lam chu vêngtu ding hen Puanin kiangah an um lai le, mi nih Puanin an hawng naih hen Israel tla tlûnah ka thin an thawktir lonâk ding hen.

⁵⁴Israel tla nih chun LALPA nih Mosi sinah thu a pêk mi hâwi hen an ti rawh.