Read Bawm Chin NUMBER 2 Bible Online

NUMBER 2 - Bawm Chin bible

NUMBER 2

¹LALPA nih Mosi leh Aron sinah hi sîntirnâk tla hi a pêk na.

²Israel tla nih mun an khuar tikah mah murui chiau puanzâr tangah um hen mah chi singsiahnâk puanthlâi um chiau ding asi. Um mun chu Puanin hêl bung hen an siam ding asi.

³Suahlei kângah Juda tla chu mah murui puanzâr tang chiauah an murui hotu tang chiauah hi hâwi hen an um ding asi. [Phun Ruitu Minung] — zat Juda Aminadab — fapa 74,600 Nason Isakar Zuar — fapa 54,400 Nethanel Zebulun Helon — fapa 57,400 Eliab A ektê fawnh hen: — 186,400 A masachem ah Juda murui kal ding.

¹⁰Simlei kâng Reuben murui tla chu mah murui puanzâr tang chiauah an murui hotu tangah hi hâwi hen an um ding asi. [Phun Ruitu Minung] — zat Reuben Sedeur — fapa 46,500 Elizur Simeon Zurisadai — fapa 59,300 Selumiel Gad Deuel — fapa 45,650 Eliasap A ektê fawnh hen: — 151,450 Reuben murui chu a masachem zûltu murui nihnâk an si lai.

¹⁷A masachem mi murui nih leh a madung mi murui nih karah Levi tla Puanin zawnhtu an kal ding asi. Murui kip chu riakmun a mi hâwi hen a sang vima hen kal ding asi, mah puanzâr mi mun chiauah.

¹⁸Tlâklei kângah Efraim murui tla chu mah puanzâr tang chiauah an murui hotu tangah hi hâwi hen an um ding asi. [Phun Ruitu Minung] — zat Efraim Amihud — fapa 40,500 Elisama Masaseh Pedazur — fapa 32,200 Gamaliel Benjamin Gideoni — fapa 35,400 Abidan A ektê fawnh hen: — 108,100 Efraim murui chu a murui thumnâk ah an kal lai.

²⁵Marlei kângah Dan murui tla chu mah puanzâr tang chiauah mah murui hotu tangah hi hâwi hen an um ding asi. [Phun Ruitu Minung] — zat Dan Amisadai — fapa 62,700 Ahiezer Aser Okran — fapa 41,500 Pagiel Naphtali Enan — fapa 53,400 Ahira A ektê fawnh hen: — 157,600 Dan murui chu a madungchem ah an kal lai.

³²Israel mi tla a murui a murui hen rîn mi zat chu 603,550 asi.

³³LALPA nih Mosi sinah thu a pêk na hâwi hen Israel midang vial leh Levi phun chu rîn sih an si lo.

³⁴Israel mi tla nih chun LALPA nih Mosi sinah thu a pêk mi zawng chu an ti, mah puanzâr tang chiauah an um le, anmah chi chiau hen an kal.