Read Bawm Chin NUMBER 26 Bible Online

NUMBER 26 - Bawm Chin bible

NUMBER 26

¹Chu râi a lêng nûnah chun Mosi leh Aron fapa Eleazar sinah,

²“Israel mi zapi zawzawng lakah mi lurêlnâk um sele, mipa kum kul mi leh a tlûnlei mi, râltuk kawrsen rang dingah tlâk ding mi vial rêl na,” a ti.

³Mosi leh Eleazar nih chun anna êt le, mipa murui zawzawng kum tling mi vial an pumh na. Jeriko thawk hen Jordan Va kanh hen Moab phâi ah anna pûm. Chubang tla chu Aigupta ram thawk hen hawng kal mi tla an si:

⁴

⁵Reuben phun (Reuben chu Jakob fapa upachem asi): Hanok thlâk tla chu Pallu,

⁶Hezron, leh Karmi an si.

⁷Hi chi lakah mipa rêl mi zat chu 43,730 an si.

⁸Pallu thlâk tla chu Eliab leh a

⁹fapa tla Nemuel, Dathan leh Abiram an si. (Hi Dathan leh Abiram tla hi mi zapi nih an thîm na mi asi. Korah leh a murui tla LALPA lakah an hel liauah Mosi leh Aron zuam hen Korah murui leikângah ṭângṭawmtu an si.

¹⁰Tual a hawng a sêu le, a dawlh hep na le, Korah leh a murui tla hen chunah chun an thi le, chu liauah minung 250 mei nih a veih na; mi zapi rangah lungfîm suahtu an si rawh.

¹¹Sikhawmsele, Korah fapa tla chu thah an si lo.)

¹²Simeon phun lakah Nemuel chi tla chu Jamin, Jakin,

¹³Zerah leh Shaul an si.

¹⁴Hi chi tla hi an tam zat chu mipa 22,200 an si.

¹⁵Gad phun a mi: Zephon chi tla chu Hagi, Suni,

¹⁶Ozni, Eri,

¹⁷Arod, leh Areli.

¹⁸Hi chi tla tam zat chu mipa 40,500 an si.

¹⁹Juda phun a mi, Selah chi tla chu Ferez, Zerah, Hezron, Hamul, (Juda fapa panih Er leh Onan chu Kanaan ram ah an thi.)

²⁰

²¹

²²Hi chi tam zat chu mipa 76,500 an si.

²³Isakar phun a mi, Tola chi tla: Puah,

²⁴Jashub leh Simron,

²⁵hi phun tam zat chu mipa 64,300 an si.

²⁶Zebulun phun a mi: Sered chi, Elon, leh Jahleel.

²⁷Hi chi tla tam zat chu mipa 60,500 an si.

²⁸Fapa panih Manaseh leh Efraim pa Josef phun.

²⁹Manaseh phun: Manaseh fapa Makir chu Gilead pa asi, hi thlâk tla bulpi chu Gilead asi:

³⁰Iezer chi tla chu Helek,

³¹Asriel, Sekem,

³²Semida leh Hepher,

³³Hepher fapa Zelophehad nih fapa tla a nei lo le, fanu tla cho a nei: an min tla chu Mahlah, Noah, Hoglah, Milkah leh Tirzah an si.

³⁴Hi chi tam zat chu mipa 52,700 an si.

³⁵Efraim phun a mi: Suthelah chi, Beker, leh Tahan,

³⁶Eran thlâk tla bul chu Suthelah.

³⁷Hi chi tla tam zat chu 32,500 an si. Hi tla hi Josef thawk hen thlâk mi chi tla an si.

³⁸Benjamin phun a mi: Bela chi tla, Asbel, Ahiram,

³⁹Sephupham leh Hupham.

⁴⁰Ard leh Naaman chu Bela thlâk an si.

⁴¹Hi chi tam zat chu mipa 45,600 an ti.

⁴²Dan phun a mi: Husim chi tla,

⁴³an tam zat chu mipa 64,400 an si.

⁴⁴Aser phun a mi: Imnah chi tla, Isvi, leh Beriah an si.

⁴⁵Heber leh Malkiel chu Beriah thlâk an si.

⁴⁶Aser nih fanu a min Serah a nei.

⁴⁷Hi chi tam zat chu mipa 53,400 an si.

⁴⁸Naphtali phun a mi: Jahzeel chi, Guni

⁴⁹Jezer, leh Silem.

⁵⁰Hi chi tam zat chu mipa 45,400 an si.

⁵¹Israel mi lakah mipa tam zat 601,730 an si.

⁵²LALPA nih Mosi sinah,

⁵³“Ram chu phun tla lakah an tâwm an tam zia hen ṭhenh na.

⁵⁴Ram chu chamchawh hen ṭhen, a minung tam mi chu kâu dauh hen pêk, a minung tâwm mi chu bî dauh hen pêk na,” a ti.

⁵⁵

⁵⁶

⁵⁷Levi phun a mi Gerson chi tla chu, Kohat leh Merari an si.

⁵⁸Libni chi a dang tla fawnh hen, Hebron, Mahli, Musi leh Korah an si. Kohat chu Amram pa asi,

⁵⁹Levi fanu Aigupta ram ah suak mi Jokebed umpitu asi. Amram rangah fapa panih Aron leh Mosi, leh a fanu pakhat Miriam a ring piak.

⁶⁰Aron nih fapa pali a nei, Nadab, Abihu, Eleazar leh Ithamar.

⁶¹Nadab leh Abihu lam chu mei thianglo LALPA sinah an ap liauah an thi.

⁶²Levi chi lakah mi mipa fa thla khat mi mawh chu ngâk a upa dauh mi tam zat chu 23,000 an si. Israel lakah mi a dang ê hen rîn an si. Israel lakah mi thil zeikhawm pêk an si lo ruangah.

⁶³Hi bang chi tla hi Mosi leh Eleazar nih Jeriko thawk hen Jordan Va kanh hen Moab phâi ah Israel tla minung lurêl liauah an rîn mi asi.

⁶⁴Mosi leh Aron nih Sinai ramkaro ah an rêl masa mi lakah pakhat khawm an relh na lo.

⁶⁵LALPA nih, “Jephunneh fapa Kaleb leh Nun fapa Josua zeizawng titu cho lo chu ramkaro ah an thi ver lai,” a ti.