Read Bawm Chin NUMBER 35 Bible Online

NUMBER 35 - Bawm Chin bible

NUMBER 35

¹Jeriko thawk hen Jordan Va kanh hen Moab phâi ah LALPA nih Mosi a sawnh le,

²“Israel tla nih thil-le-rî anna ting mi lakah mi khuapi tla leh a kiangkam mun ṭha tla Levi tla rangah an umnâk ding hen pêk na ding hen simh na.

³Chubang khuapi tla chu Levi tingvo asi lai le, chunah chun an um bâk lai. Mun ṭha anna ting mi tla khawm chu an ran tla zawzawng rangah asi lai.

⁴Mun anna ting mi tla chu an khua kulh thawk hen lênglei dâwng 1,500 tluk khua hêl dak hen a kâu ding asi.

⁵A vâu lei kil li dâwng 3,000 vima kâu hen a um ding asi, chu a lâi ah chun khua chu um ding hen.

⁶Mi nih palh-le-rah hen anna thah sual zâwn ah himnâk ding hen teknâk khuapi paruk Levi tla rangah nan pêk na ding asi. Chu lo khawmah a dang khua 42

⁷mun anna ting mi fawnh hen 48 nan pêk na ding asi.

⁸Levi khuapi zat chu phun kip nih a mun a bît a kauh anna ting zia chiau hen asi lai,” a ti.

⁹LALPA nih Mosi sinah

¹⁰Israel tla sinah sim ding hen thu a sim le, “Jordan Tiva nan kanh hen Kanaan nan lût chun,

¹¹mi anna thah palh sual ah him ding hen teknâk khuapi tla nan thîm ding asi.

¹²Chunah chun, thah hen a um mi minung unau tla nih phû an lam ding mi lakah a himnâk ding hen. Mi nih minung thahtu a phiar chun zatlâng lâirêlnâk lo hen thah ding asi lo.

¹³Khuapi paruk thîm ule,

¹⁴pathum chu Jordan saklei ah, pathum dang chu Kanaan ram ah.

¹⁵Hi bang tla hi Israel mi tla rangah leh ramdang mi tla um salam mi leh um kumza mi rang khawmah himnâk khuapi rangah mang asi lai. Âuzawng nih âumawh a thah palh chun chu khua tla a zei mi lak tal ah a lût chun a him khonâk ding hen.

¹⁶“Mi nih riamnâm thîr mawh, lung mawh, thing mawh hen mi thahnâk dingah a mang chun, minung thah hen a sual ruangah anih khawm thah bâk ding asi.

¹⁹A thi mi unau taksa tlâi naih chemtu nih a thahtupa rangah thah bâk ding â tâng. A tawngnâk zawngah a thah bâk ding asi.

²⁰“Mi nih a hua ruangah a tûl hen mawh, thil dang hen a seh hen mawh,

²¹a kut hen a chumh hen mawh a thah chun amah khawm thah bâk ding asi. A thi mi unau taksa tlâi naih chemtu nih a thahtupa rangah thah bâk ding hen â tâng asi. A tawgnâk zawngah a thah bâk ding asi.

²²“Sikhawmsele, mi nih hua ruang silo hen, âumawh a tûl hen mawh, zei thil hen mawh a seh hen a thah palh kho.

²³Asi lo leh, hawlhnâk ah a leido si lêm lo hen, nganfâk pêk a tum ruang khawm silo hen, liah lo hen lung a lawnh mi lakah âumawh a thah palh kho.

²⁴Chu hâwi thu lakah chun zatlâng nih lâi an rêl lai le, a thahtupa lei ṭângṭawm hen a thi mi unau tla, lehrûl sam tumtu tla leiah ṭângṭawm lo hen lâi an rêl ding asi.

²⁵Zatlâng tla nih chu mi thahtu chu a thi mi unau lakah mi chu an hum lai le, ruangsuak ding hen himnâk khuapi leiah an kîrtir ding asi. Chunah chun bâwlpu lalchem asi mi thih lân lo chu a um ding asi.

²⁶Mi thahtu nih chu himnâk khuapi chu kaltâk hen a suak chun,

²⁷a thi mi unau tla nih tawng hen thah na khawmsele, phû lâknâk ah thah mi asi ruangah mi thah mawhnâk â ting lai lo.

²⁸Minung thahtu rerêng chu himnâk khuapi ah bâwlpu lalchem thih tiang um ding asi le, bâwlpu lalchem thih nûnah a in leiah a tlung kho ding asi.

²⁹Nan umnâk kipah nan thlâk leh nanmah nih hi dân hi nan mang ding asi.

³⁰“Mi nih minung a thah ti hen an hawng phiar chun, minung panih mawh chu ngâk a tam mawh muh fiangtu a um tik lâwngah thah ding asi; theihtu minung pakhat cho hen chun thah rê ding hen phiarnâk chu zumh tâwk asi lo.

³¹Mi thahtu chu thah bâk ding asi. Hi rêpnâk hi tangka pêk hen a âwl kho ding asi lo.

³²Mi himnâk khuapi ah a tek asi chun, bâwlpu lalchem a thih lân lo chu tangka pêk khawmsele in leiah kîrtir ding asi lo.

³³Hi nan ti mi asi chun, nan umnâk ram nan nawmh mi asi lai. Mi thahnâk nih ram chu a nawmhtir le, mi thahtu thihnâk lo hen chun mi thah hen a umnâk ram chu dân hen thiangtirnâk lampi a um lo.

³⁴Nan umnâk ram chu nawmh lah u, Kei LALPA chu Israel mi tla lakah ka um ruangah,” a ti.