Read Bawm Chin NUMBER 36 Bible Online

NUMBER 36 - Bawm Chin bible

NUMBER 36

¹Josef fapa Manaseh, Manaseh fapa Makir, Makir fapa Gilead chi dâwngsungkhur ah a lukhâi dauh tla leh ruitu dang tla chu Mosi sinah an va kal.

²Annih nih chun, “Israel fa le rangah ram chamchawh hen ṭhenh na ding hen LALPA nih thu a nan pêk asi. Kan unau Zelophehad thil-le-rî tla khawm a fanu tla sinah pêk na ding hen thu a nan pêk.

³Sikhawmsele, ruat nik, phun dang tla hen anna umh chun, an thil-le-rî chu chu phun tla tâ asi awt le, kan lakah pêk ding mi zat chu â zûk ding nget asi.

⁴Rulh Nawlh kum ah thil-le-rî zawzawng zuar mi tla chu a tîrah a dâwngpu sinah pêk ver ding asi lai le, Zelophehad fanu tla thil-le-rî chu a umpi natu phun tâ asi pawt awt ruangah kan phun lakah mi chu a vei awt rawh,” an ti.

⁵Churuangah Mosi nih Israel mi tla chu LALPA thupêk hen hi bang thu tla hi a simh na, “Manaseh phun thusim chu a dik asi,

⁶churuangah LALPA nih Zelophehad fanu tla nih chun âutal an duh mi zawng hen anna umh kho, sikhawmsele anmah phun lakah mi asi ding asi.

⁷Israel tla thil-le-rî rerêng chu amah phun tâ asi kumza lai.

⁸Israel lakah thil-le-rî ringtu nunau nih chun chu phun lakah mi mipa hen anna umh ding asi. Hi hâwi hen Israel mikip nih an pu le thil-le-rî tla chu anna ting lai le,

⁹thil-le-rî chu phun khat thawk hen phun dang sinah anna lân vima lai lo rawh. Phun kip nih mah neih chiau anna ting vima ding asi,” a ti.

¹⁰Churawhchun Mahlah, Tirzah, Hoglah, Milkah leh Noah, Zelophehad fanu tla nih chun LALPA nih Mosi thu a pêk hâwi hen anmah tlâi lakah mi hen anna umh rawh.

¹²Josef fapa Manaseh phun lakah mi tla hen anna umh le, an thil-le-rî tla chu an pa phun mi tâ asi rawh.

¹³Jeriko thawk hen Jordan Va kanh hen Moab phâi ah Mosi mang hen LALPA nih Israel tla rangah hi bang dân tla hi a pêk asi.