Read Bawm Chin NUMBER 5 Bible Online

NUMBER 5 - Bawm Chin bible

NUMBER 5

¹LALPA nih Mosi sinah,

²“Israel mi tla chu âutal vun râi neitu mawh, thî nei leh ruak tawngh ruangah a nâwm mi tla chu thlei na ding hen thu pêk na.

³Chubang tla chu ka va um nawhnâk mi tla an nawmh lonâk ding hen dân hâwi a thianglo mi chu mi zapi lakah mi suah na,” a ti.

⁴Israel mi tla nih chu hâwi hen zapi lakah mi chu an nar na.

⁵Israel mi zapi tla sîntir ding hen

⁶hi bang tla hi LALPA nih Mosi rangah a pêk. Âutal LALPA lakah zumh a kâi lo hen mi tlûnah thil diklo a ti chun,

⁷thutluang a vâwr hen tling zat hen a rulh nûnah zâ lakah kul dân hen a va sualnâk pa sinah a pêk sap ding asi.

⁸Sikhawmsele a va pêk ding mi pa chu a thi hen a unau pêk ding mi khawm a um lo chun, bâwlpu rang dingah LALPA sinah pêk ding asi. Hi pêk mi hi misualpa sual thiangnâk ding hen thiangtirnâk dawrâ chal ruangrûl ah sap mi hâwi asi.

⁹A bîk hen thil thawh mi LALPA sinah Israel tla nih an ap mi chu an va apnâk bâwlpu vo asi.

¹⁰Bâwlpu kip nih anmah sinah pêk mi vial chu anna ting vima lai.

¹¹LALPA nih Mosi rangah thu a pêk le,

¹²hi bang sîntirnâk tla hi Israel tla rangah pêk ding hen a simh. Nupi chu a pasal rangah zumhmaih kâi hen midang mipa hen a duh hen nawmh hen a um kho. Sikhawmsele, theihpitu a um lo ruangah a theih fianglo kho, churuangah a thilti lakah tleih kho asi lo. Asi lo leh, a nupi chu zumhkâi ko nâ hen a pasal nih a zumhmaih kho.

¹⁵Zei leikâng thu tal sikhawmsele chubang leikâng thu ah chun mipa nih a nupi chu bâwlpu sinah a kalpi ding asi. Sangvut kilogramme khat ap ding a put lai le, sikhawmsele oliv sariak a chawmh ding asi lo, rimthâw khawm a telh ding asi lo, a pasal nih a zumh lo le, thudik langhtirnâk thil ap asi ruangah.

¹⁶Bâwlpu nih nunau chu mâilei ah mâichâm mâika ah a dîrtir lai.

¹⁷Bâwlpu nih tî thenhlimh chu tual khêng ah a tleng lai le, khâtir ding hen LALPA umnâk Puanin mi valei a lâk lai le, tî lakah a thlâk lai.

¹⁸Nunau sam chu a samh tir lai le, a kut ah ap mi sangvut chu a puttir lai. Bâwlpu nih siat tlungtirtu tî khâ khêng chu a put lai.

¹⁹Bâwlpu nih siat a cham mi chu êt ding hen simh seh: “Ṭângdang pawmtâktu na silo chun, hi siat tlungtirtu tî nih hin, zei nganfâk khawm an pêk lai lo.

²⁰Sikhawmsele, ṭângdang pawmtâktu na si lam chun, na mi tla lakah na min chu

²¹LALPA siatbarh hen na um lai. Na fa ringnâk a dawng lai le, na pawpi a phing lai.

²²Hi tî nih hin na pawpi chu phingtir sele, na fa neinâk khawm dawngtir seh,” a ti. Nunau nih chun, “LALPA nih chu hâwi ti ding hen rem ka ti,” a ti ding asi.

²³Churawhchun bâwlpu nih hi siatbarhnâk hi a rîn lai le, chu a rîn mi chu khêng ah mi tikhâ hen a ṭâwl lai.

²⁴Bâwlpu nih chu nunau chu tî a dintir hen nganfâk a hawng pêk lânah,

²⁵nunau kut ah mi sangvut chu a lâk lai le, LALPA sinah ap ding mi chu mâichâm tlûnah a siah lai.

²⁶Churawhchun thil ap zapei khat a lâk lai le, mâichâm tlûnah a duah lai. A dawnghnâk ah chu tî chu nunau rangah a dintir lai.

²⁷Ṭângdang pawmtâktu asi chun, chu tî nih chun nganfâk ṭha lo tak a tlungtir lai; a pawpi a phing lai le, a nau neih a dawng lai. A min chu a mi le tla lakah siatbarh mi asi lai.

²⁸Sikhawmsele, sual lo thlo asi chun nganfâk khawm a tawng lai lo, a falû khawm a dawng lai lo.

²⁹Hi hi mipa nih a nupi zumhlo hen ṭângdang pawm ah a ruat mi thu ah chek dân chu asi. Nunau chu mâichâm mâi ah dîrtir hen bâwlpu nih hi dân hi a siam lai.

³¹A pasal chu a thiang lai le, a nupi lam chu, a sual mi asi chun, chu hâwi hen a tuar lai.