Read Bawm Chin HABAKUK 3 Bible Online

HABAKUK 3 - Bawm Chin bible

HABAKUK 3

¹Hi hi khuavâng Habakuk thlachamnâk chu asi:

²LALPA, thil na ti mi ka theih le, lâunâk hen ka khat. Tuah kanmah san ah ti ding na tum mi thil rokual tak chu ti rawh. Thinrun khawm le, khuaruat.

³Pathian chu Edom ram thawk hen a hawng nawlh le; Pathian thenhlimh chu Paran tlâng thawk hen a hawng. A rokualnâk nih vân a khuh le, tual chu amah sawrnâk hen a khat.

⁴Mîmthlalek chêunâk hen a hawng le, a thiltikhonâk a kut ah thuh mi thawk hen chêunâk a hawng suak.

⁵A mâilei ah râi a fial le, thihnâk nih amah zûl ding thu a pêk.

⁶Â dîn chun tual â nîn, a zauh na nâk ko ah phun tla an thir. Zungzâl tlâng tla chu a kuai le; zungzâl tlângtê tla chu a pil ving a lânah a kalnâk tlâng tla khawm.

⁷Kusan mi tla an lâu mi leh Midian mi tla an thir mi chu ka muh na.

⁸LALPA, chu tiva tla nih ma na thin an thawktir? Na thin runtirtu chu tipi ma asi? Na mi le tla rangah nehnâk na pêk liauah, thlipi vândâwm tla chu na kari asi.

⁹Mang sek ding hen na chanhtiang leh thalzum tla chu na timhtuah zet. Na ṭek tlâknâk nih tual a phel.

¹⁰Tlâng tla nih an muh chun an thir; Vân lei thawk hen tî a hawng tlê. Tual tangah mi tî tla chu an rûm le, tî tlingtlawk tla chu an hawng lian le, an sâng.

¹¹Na thalzum lek zar hen a hawng suak le, na fei chêu a hawng lek. Nî leh thlâ khawm an um kumza.

¹²Na thinrun bû hen tual chu na kanh le, na thinthawknâk hen phun tla na chîltir na.

¹³Na mi le tla ruangsuah na ding leh na lal thîm ruangsuah ding hen na suak rawh. Misual tla ruitu chu na thlûk le, a hâwi zûltu tla khawm na veih hep na.

¹⁴Ngâkṭah tla a thuptê hen nehsawh leh zauhnawmh hen rek phin ding hen thlipi hâwi hen a hawng liauah a kawrsen hotu chu na thalzum nih a sunh.

¹⁵Na rang tla hen tipi chu na lamh le, tiphul a hawng suah.

¹⁶Hi bang zawzawng ka theih le, ka thir, ka mûr tla lâu hen a thir. ka tak a zengzê ver, tanglei ah ka kê khawn a pelh. Hawng ka dotu tla Pathian nih a rêp na tik ding chu dâisiptê hen ka ngâk ziar awt.

¹⁷LALPA Pathian chu ka ruangsuahtu Pathian asi ruangah theipi tla rahlo hen, grep zûn tla chawrh lo hen, oliv rah tlawng hen, Phâisen ah fâng suak lo khawmsele,

¹⁸dawrâ rual tla thi hep hen, ran siahnâk lâwng tleng khawmsele, ka lâwm hen lâwptlo tak hen ka um kumza lai.

¹⁹LALPA nih chaknâk hawng ka pêk le, sazuk tla hâwi hen kê nei hen hawng ka siam le, tlâng tlûnah him tak hen hawng ka zauhkhenh.