Read Bawm Chin DEUTERONOMY 34 Bible Online

DEUTERONOMY 34 - Bawm Chin bible

DEUTERONOMY 34

¹Mosi chu Moab phâi thawk hen Nebo Tlâng, Jeriko saklei Pisga Tlâng tlûnah a kâi le, chunah chun ram pumpi LALPA nih a zauhtir: Gilead ram marlei mi Dan khua tiang hen;

²Naphtali ram pumpi; Efraim leh Manaseh ram tla; Juda ram thlanglei kângah Mediteranian Tipi tiang.

³Juda ram simlei kâng mi khingkhuai; leh Zoar thawk hen Jeriko tiang mi phâi, Tûm khuapi tiang hen.

⁴Churawhchun LALPA nih Mosi sinah, “Hi ram hi Abraham, Isak leh Jakob sinah an thlâk tla rangah pêk ka tiamh mi ram chu asi. Muh lam chu kan muhtir lai le, sikhawmsele, chunah chun kan kaltir awt lo,” a ti.

⁵Churawhchun LALPA to-aw Mosi chu LALPA nih a sim rawh hâwi hen Moab ram ah chun a thi rawh.

⁶Bethpeor khua zâwn ah Moab vakuam ah LALPA nih a vûi rawh, sikhawmsele tusûn ni tiang hen zei mun takah a vûi ti âukhawm nih an theih lo.

⁷Mosi chu a thi liauah kum zâ leh kum kul mi asi; a chak dân hâwi nget hen a chak le, a mit muh dân khawm a ṭha kumza rih.

⁸Israel mi tla nih Moab phâi ah ni sâwmthum an ulh.

⁹Nun fapa Josua chu Mosi nih amah thlengtu ding a ruat mi asi ruangah finghnâk hen a khat rawh. Israel mi tla nih Josua thu chu an ngâi hen Mosi mang hen LALPA nih thu a pêk na mi khawm an zûl.

¹⁰Israel ram ah Mosi hâwi khuavâng an um dah lo; LALPA nih mâitawnh hen thu a simh.

¹¹LALPA nih Mosi fial hen Aigupta lalchem, a rianṭuantu tla leh a ram pumpi ah thilchê ti leh thilchê tla ti mi hâwi hen zei khuavâng khawm nih an ti dah lo.

¹²Mosi nih Israel tla mitmuh ah thil rokual leh ṭihnungkâi a ti mi chu zei khuavâng khawm nih an ti kho lo.