Read Bawm Chin JOSUA 12 Bible Online

JOSUA 12 - Bawm Chin bible

JOSUA 12

¹Israel tla nih an neh rawh mi Jordan Va saklei ram Arnon Vakuam tiang hen leh marlei kângah Hermon Tlâng tiang an luah rawh.

²Lalchem panih Hesbon ah lâirêltu Amor lalchem Sihon chu an neh le, Gilead ram khingkhuai chu a ram asi. Aroer thawk hen (Amon Va tiang hen) chu tivakuam lâi ah khuapi hen Jabok Va tiang hen, Amon ramri;

³Jordan Vakuam khawm uap sih hen simlei kângah Galili Rilî thawk hen Beth Jesimoth tiang hen (saklei ah Tipi Thi) leh Pisgah Tlâng bul lei tiang asi.

⁴Basan lalchem Og, Rephaim phun lakah a madungchem mi pakhat, Astarot leh Edrei ah lâirêltu khawm an neh rawh.

⁵A ram sungah mi ram tla chu Hermon Tlâng, Salekah, Basan ram zawzawng Gesur leh Maakah tiang hen, Gilead ram khingkhuai khawm, Hesbon ah mi lalchem Sihon ramri tiang asi.

⁶Chu lalchem panih tla chu Mosi leh Israel tla nih an neh mi asi. Mosi LALPA to-aw nih an ram tla chu Reuben phun leh Gad phun, Manaseh phun khingkhuai tla rang dingah a pêk na.

⁷Josua leh Israel mi tla nih chun Jordan Va thlanglei ramri leikângah mi lalchem tla, Lebanon vakuam mi Baalgad thawk hen Edom kiang simlei Halak tlâng tiang hen an neh na. Josua nih hi ram hi anmah tâ si kumza ding hen Israel phun tla a ṭhenh na.

⁸Chu ram chu tlâng ram telh sih hen thlanglei kâng tlâng bul ah mi, Jordan Vakuam leh a tlâng bul ah mi, saklei kâng tlâng leh simlei ramkaro tla an si. Hi ram ah hin Hit mi, Amor mi, Kanaan mi, Periz mi, Hiv mi, Jebus mi tla an um.

⁹Hi bang khuapi ah mi lalchem tla hi Israel mi tla nih an neh na. Jeriko, Ai (Bethel kiangah mi),

¹⁰Jerusalem, Hebron,

¹¹Jarmut, Lakis,

¹²Eklon, Gezer,

¹³Debir, Geder,

¹⁴Hormah, Arad,

¹⁵Libnah, Adulam,

¹⁶Makedah, Rethel,

¹⁷Tapuah, Hepher,

¹⁸Aphek, Lasaron,

¹⁹Madon, Hazor,

²⁰Simron Meron, Akshap,

²¹Taanak, Megido,

²²Kades, Jokneam, (Karmel ah mi)

²³Dor (Tipi kap), Goim (Galili ah)

²⁴Tirzah an ektê hen lalchem sâwmthum leh pakhat an si.